يامور خذ نمره الخامس من اليمنى ..قصه وقصيده

[الحبيشي@]

يقولون فيه واحد والظاهر انه يقال له الوقداني من الرشايده

يقال ان حالته الماديه دمار

وكان ولد عمه عنده سيارت نقل كبير ( سقس )

والوقداني طلب من ولد عمه استعارة احدى الشاحنات

وافق ولد عمه وقاله بس لا تنام بالبيت عند ام عيالك وتترك السيارة اشتغل وابذل الجهد

راح الرجال يكد ويشتغل ومن ديره لديره واحترت عليه السيارة وقال هالأبيات


------------------------------------------------------------------------------------------------
روايه ثانيه انه لما رجع لديرته شاف الديانه وديور وهو يعشق وقال هالابيات

( والمور يقصد السقس )

----------------------------------------------------------------------------------------------

يقول ..





يامور خذ نمرة الخامس من اليمنى
تحتر ،تبرد، ترى الاخلاق خربانـه

والله لتبطـي وحنـا ماتفاهمـنـا
مادام ابو القور ماعقبـت قلبانـه

اربع ليال وخمـس ايـام مانمنـا
مكينتك تشغـل والعيـن سهرانـه

لولا المشاريـه مرينـا وسلمنـا
مير البـلا شـوف ديـان لديانـه

عزالله انـا مـن الدنيـا تعلمنـا
تعليم يصعب على التلميذ نسيانـه






ويقال ان ابن عمه لما سمع الابيات اهداه السيارة

والله أعلم

واتمنى ان تكون اعجبتكم

[عيد بن شدقان]

الحبيشي


لاهنت

والله يعطيك الف عافيه


على ما اوردت لناا

[الاحرش]

الاخ الكريم

الحبيشي


الله يعطيك العافيه على القصه والابيات الرائعه

[كــحــيـــلان]

لاهنت
يا الحبيشي

على الابيات والسالفه الحلوه

[أبوعبدالحكيم]

يا شباب هذي قصيده الشاعر عيد بن عوض بن مربح الجلادي الرشيدي

وأنا عملت معه سنتين قبل تقاعده الله يذكره بالخير

وهو الان في الخفجي وعنده أبل ومبسوط الله يرزقه

[جطلي بن فهد]

بيض الله وجهك على ها القصيده والقصه
الطيبه مشكور والله يقويك ويعافيك



ولاهنت

تقبل سلامي


سماوي بن نجم

[كلاش]

مشكور اخوي على القصه والقصيده الرائعه ولاهنت