سـلام عليكم ورحمة الله وبركاته
مسيكم بالخير
رائعة الشاعر/حـمـدان العصيمي
مـاكل مايسمع من الناس ينقال=أشكل كلام الناس مثل الدعابه
اسمع ودع تسلم من القيل والقال=لو قلت كلمه طوروها حكايه
السر خله من وراء سبعة اقفال= وراقب مفاتيح الضمير بعنايه
لاتحسن الظنات في كل الاحوال=خلك حريص ولاتسوي كمايه
ماكنت افرق بين طيب وبطال=حتى جمعت من التجارب كفايه
ورتني الايام في كل رجال=علامةٍ ماتكتشفها المرايه
ورتني الايام في الناس عقال=ماتنخدع بين الفتن والوشايه
ورتني الايام في الناس جهال=دار الزمان ولالهم به درايه
وأخذت في الدنيا تجاريب وامثال=ميزت فيها صاحبي من عدايه
ولقيت بعض الناس صاحب ومحتال=يضحك معي ويسبني في قفايه
ولقيت بعض الناس للهرج نقال=تلقاه نقل الهرج عنده هوايه
بعض العرب شيطان في ثوب وعقال=وكل شيطان دواه القرايه
هذا دواه البعد لو عشت رحال=حيث الردي فرقاه غاية منايه
دار بها يمشي الفتى خالي البال=ودي بها لو كان ماالقى عشايه
وان كان مال الوقت ولا الوقت ميال=اصبر على جرحي وادور دوايه
واشيل همي في ضميري ولو طال=رجاي في اللي مايخيب رجايه
ربٍ كريمٍ يبدل الحال بالحال=ويطيب جرحي من خلاي بخلايه
وليا زبنت ازبن على طيب الفال=اللي يهلي يوم يسمع ندايه
ارفع مقام النفس عن كل الأنذال=واشووووف لي ناسٍ على مستوايه
وســـلامتكم
وان شاء الله تحوووز على رضاى الجميع
وأخذت في الدنيا تجاريب وامثال..ميزت فيها صاحبي من عدايه
العرض العادي
