فمان الله

[سياتل]

خسيـتـي لعنـبـو جــدك ؛ خسـيـتـي والـغـلـط يـنـعـاب =خسيتي واقلبي وجهك ؛ ولا كلمه ؛ولاجابه

خسيـتـي والـزمــي حـــدك ؛ تـراهــا ضـاعــت الاداب =انا لاطاشت جنوني ؛ يعرف الجاهـل ادابـه


وش المـغـزا مــن الكلـمـه بــلا داعــي بــلا الاسـبـاب =وهرج الكذب والتجريح ؛ قوليلي وش اسبابه


انـا الشـرهـه عـلـي انــي فتـحـت لخافـقـي كــم بــاب =ولكن مثل ماجيتي !!! ترا كبر الجمـل بابـه



خـذي نفسـك مـعـك بــرا ؛ ثــم انقلـعـي بــدون إيــاب =فمان الله ؛ والا اقول :: فمان ابليس واصحابه


تحسبيـنـي عـلـى فـرقـاك ابـنــدم واغـــرق الاهـــداب =انا مبسوط يوم اني ؛؛ طردت الشوم وغرابه


انــا مــا اعـاشـر الخـايـن ولا اسـمـع هـرجـة الـكـذاب =ومثلك قيمته عنـدي تحـت الزيـرو حسابـه


هــذاك الـلـي تحبيـنـه ؛ حـقـيـر و خـكــري ولـعــاب =عاجبك ان قذلته شقراء ويميّل بالشعـر كابـه


صحـيـح انــه حقـيـر و زيــن وشكـلـه للنـسـاء جــذاب =تشّبه بأخته فلانـه ؛؛ ومنهـا الـدم متشابـه


وانـا مانيـب حــرف الـجـر ؛؛ تجريـنـه عـلـى الاعــراب =انا حرف(ن) جزم نفسه ؛ ومثلي يصعب اعرابه


تشـوم النفـس عــن زيـنـك عـقـب مـاطـاح فيـهـا ذبــاب =وانا حر(ن) ولد حر ؛؛ تركت الزين وذبابـه


انـا يابنـت مــن ربــع(ن) لـهـم فــوق الفـخـر مـحـراب =انا من روق ياخبله ؛ وربعي الهيله ( عتابه )


نسـيـا ماكـلـى (عمـهـوج) وكــم روس بـــدون ارقـــاب =رزقك الله بحكم اللي حفظ عمهوج في جرابـه


انــا شـيـخ(ن) ولــد شـيـخ ؛ بـذكـره تنـعـم الانـســاب =اليا قام العرب كلاً ؛؛ يراجع دفتـر انسابـه


ولـد شيـخ(ن) وسـط ربـعـه لــه بـيـن الـرجـال حـسـاب =اليا ضاقت به الارياء ؛ يهز الارض مشعابـه


محنكـنـي عـلـى الطيـبـه مــن يـومـي صغـيـر وشــاب =اجل وش رايك بطفل(ن) دلال القهوه العابـه


تــرى بــدري عـلـى مثـلـك تعـيـب وساسـهـا مـعـيـاب =ياليت اللي يعيبني ؛؛ يحـاول يستـر ثيابـه


انــا لاجتـنـي الـزلـه ؛ مــن الجـاهـل وهـــو كـــذاب =تركت القافله تمشي ؛؛ وراهـا تنبـح كلابـه


وانــا ليـامـن كـشـف ان الـخـوي اصـبــح لـسـانه داب =نزعت السم من عرقه وكسرت بمخلبي نابـه



خــلاص الـيـوم يافـلانـه ؛ كرهـتـك والقـلـوب غـــراب =وترى كل طير(ن) بكبد السماء يشبع مخلابـه



خـسـاره مثـلـك بقـلـبـي تـضـمـه غـرفــة الاحـبــاب =وخساره غلطة العاشق ؛ يحطك اول احبابـه



بعـد هـذا تبيـن ارجــع لاجــل عيـنـك نصـيـر اصـحـاب =خسيتي واقلبي وجهك ؛ ولا كلمه ؛ ولاجابـه

وصلني عن طريق الايميل

[المستشار]

صح لسانك اخوي سياتل على القصيدة ، ويا ريت تعرف منهم قايلها.

وسامحلي بتعديل التصميم


تحياتي

[اطياف الماضي]

وانا مانيب حرف الجر ؛؛ تجرينه على الاعرابانا حرف(ن) جزم نفسه ؛ ومثلي يصعب اعرابه

صح لسانك اخوي سياتل ولسان الشاعر

بصراحة رااااااااايقة

يعطيك العافية

[اليامي]

قصيده رائعه

صح السان الشاعر

مشكور اخوي سياتل والله يعطيك العافيه

[ابوتركى]

تسلم اخى سياتل على النقل الجميل

تحياتى لك

[سياتل]

لا هنتوا على المروور
و صح بدنكم

و يسعدني انها عجبتكم

المستشار لا هنت على التعديل

للاسف ما وصلني اسم الشاعر مع القصيده بس مبين من القصيده انه روقي عتيبي.

تحياتي