لاحول ولا قوة إلا بالله ((*ياكويت*))

[شقردي كويتي]

السلام عليكم 000وبعد غياب عنكم اليوم اعود لكم عوده اجباريه


وموضوعي اليوم عن وطني وحبيبتي الكويت

اليوم ياخواني وخواتي ابناء الكويت نعيش عزاء الديمقراطيه وليس عرس على قولت المنافقين والكذابين من المتجنسين وليش الاصيلين من ابناء الكويت

في هذي الايام الحزينه اللي تمر على وطننا الحبيب الكل عايش حيات وناسي اهله وبيته وابناء

هل هم عايشين حالهم حال غيرهم من بناء الخليج لاوالله لايعلم ماحلا بهم من قهر وظلم وضيم

ياخواني وخواتي ابناء الكويت لامتى ونحن ساكتين ومخدوعين بانفسنا وبحكومتنا ,,,,, هذي الحكومه اللي تحكم كي تقهر الشعب بس

ليش للحين محد تكلم او قال شي عن اللي صاير بديره من انقطاع الماء عن اشعب من متى الكويت مافيها مائ

قولولي من متى

اااااااااااااااااااااه وربي قهر ياكويت اللي يصير اليوم من ضغط الحكومه على الشعب والشعب ميت ولاهو حاس بشي

اهل الكويت اليوم ضايعين وملتهين في العبه اللي حطتها لهم الحكومه علشان يلتهون عن مايحصل لهم من ظلم


منشغلين في الانتخابات اللي مامنها فايده ابدا من عرفنا الكويت وفيها مجلس الامه ولا فاد الكويت بشي ابد مجرد دميه تحركها الحكومه مثل ماتبي

منشغلين في جمع وشراه الاصوات , وابناهم مو ماحصلين الماء ليشربوو
منشغلين في اكذب على بعضهم البعض , ونشر كذبهم في الصحف
منشغلين في ترس الشوارع بصورهم , ووتشوه منظر البلد
منشغلين في اتمصلح عند الحريم ويترجونهم ان يعطونهم اصواتهم, وهم كانو يحرمون هذا اشي

اليوم الكويت بدون مااااااااااااااااء ليش وماهوالسبب

الكويت اليوم بدون مااء ومحد قال شي

الكويت اليوم تعشي ايام الغزو والمحتل هو المواطن الكويتي ممثل بالحكومه

شنو بعد هذا القهر وظلم من الحكومه لشعب,,, الماء وقطعووه عنهم والبانزين ورفعو سعره والكهرب يهددون يقطعه


بعض اناس ماتحمل توقف الماء عن بيته وجاب له مكينه لكي تسحب الماء من التمديدات الارضيه وتصعده لتانكي بصطح

هل تعلمون ماذا فعلت الحكومه بعد ماعرفت بهذا اشي ههههههههههههه << يضحك من القهر اللي فيه

فرضة غرامه على كل من لاديه هذي المكينه بدفع 500 دينار كويتي

حتى لايعيشو حياتهم الطبعيه قبل توقف الماء عنهم الحكومه تبي تهين الشعب بأي طريقه

ليش مااادري

انقطاع الماء في الكويت صار له 5 شهوور ولم يتكلم احد من الحكومه بهذا الخصوص او اعضاء مجلس الامه اللي شاطين روحكم علشانهم الحين كلن عايش حياته ولا احد هامه

الكويت اليوم مافيها مااي والتناكر عليها طق وهواش وسعرها ناااار والحكومه تغرم اللي عنده ماي والشعب لاهي في الامنتخابات


اخواني وخواتي ابناء وطني الحبيب الكويت انا كتبة هذي الرساله عل وعسى يشوفها الامير والحكومه وعضاء الشعب وانتم وتحسون في مايحصل من حولكم

بس والله العظيم كتبتها من قلب محروق على عروس الخليج كويت الخير بلد الصداقه وسلام
كتبتها ولا ادري شنو قلت فيها وهل هي واضحه ومفهومه بنسبه لكم بماتحمله من نقاط مختلفه بس تسب في موضوع واحد وهو الماء في الكويت ,,,

فا اذا انا غلطة بشي الطلب السموحه منكم ومن وطني الكويت


من ابن الكويت عبدالرحمن العجمي

[الـعـابـر]

( عودة ميمونة )

حياك الله أخي / شقردي كويتي

صدقت فيما قلت
مشكلة المياه المتقطعة يجب أن تُحل , وإلى متى أنبوب الماء يتدفق إلى جنوب العراق
والكويت أولى من العراق بمياهِها .
نتمنى من أعضائنا القادمون عدم السكوت من هذه المهازل التي تحصل في البلد
ونتمنى بالقضاء على رموز الفساد في البلد .
وأملنا الوحيد بالمجلس القادم يجب أن يقف سداً منيعاً لهذه الرموز الفاسدة .
والكلام كثير ويعجز القلم عن كتابتها .

الله لايهينك يالشقردي لطرحك لهذا الموضوع المهم والحساس

وبالله التوفيق

[الباشا]

لا هنت اخوي شقردي

والله يعطيك العافيه

[Malotaibi]

مشكور على هذا الموضوع الطيب
هو بس الماء بتشوفون العجب العجاب ، الله يستر من القادم ، شعب الكويت معروف عنه شعب مع احترامي له ميت ما يتحرك لو تسوي شنو الحكومه ، يقول شسوي كل واحد يقول مدام محد سوا شي شحقه انا اسوي خلني قاعد بالديوانيه احسن يعني انا بغير شي !!!

واللي يضحك يطلع تصريح من الحكومه ما راحت قطرة ماء للعراق تضحكون على منو للدرجة هذي صارت عقولنا صغار يستهزؤون فينا ، المشكلة الرئيسيه بالماء اللي ودوه العراق من تناكر ومن بايبات ، امس يغزينا واليوم يعطونه ماي ويقطعونه عن شعبهم اللي وقف معاهم أمرهم غريب عجيب !!!

احنا شعب قليل بالنسبة للشعب المصري ما شوف عندهم مشكلة ماء والسعودية ماشوف عندهم مشكلة ماء والصين مليار ماشوف عندهم مشكلة ماء !!!

انا بفهم شي واحد متى يتحرك هالشعب ؟؟؟؟ ينطرون لما ياخذون اللقمه من فم أطفاله يمكن بعد يتحرك !!! الظاهر بنصير مسخره للعالم الكل قام يضحك علينا يالله المستعان قاعدين بدولة افريقية مو بالخليج !!!

شعارنا السكوت ثم السكوت ثم السكوت

[الشامخه]

أياام العز ولت من يوم ما توفى ابونا جابر ومن يوم ما ..... الله يعينا بس على إلي جاي

[أشهب الـلال]

كان الله بعون الكويت .. وأهل الكويت

خبر سيئ للغايه .. لم ولن تكُن الكويت هكذا ..

ستعود إن شاء الله كما عهدناها .. عروس الخليج

(((( رحم الله الشيخ جابر ))))

أخي الكريم

كويتي

رسالتك مُعبره .. وصلت إليٌ كما كُتيبتٌ في مِسودتِها...!!

ولا ينتثر هذا الحِبرُ الحزين .. إلا من أبن يفدي تراب بلده بِدمه..!!

أسأل الله أن تعود لكم الكويت .. كما كانت عروس....!!



تقبل تحياتي

أخيك

[AL- JOORY]

بكل أسف هذا ما يحدث


كنت أود التعليق ... وأنفض ما في نفسي .. ولكن هناك حدود يجب التقيد بـــها ..



وكل ما سطره قلمك الصادق هـــــو حقيقة واقعنا .. وياليتها تقف عند هذا الحد !!



وفقك الله لما يحبه ويرضاه

[ابن الاجواد]

لاحول ولاقوة الى بالله


وانتو من عرفتكم الدنيا وانتم معارضين للحكومات !!!


يعني شتبون الضبط


عندكم كلام اطلعو الشوارع وسوو مظاهرات


اي نعم مظاهرااااااااااات بالشوارع ووقفو جدام قصر دسمان وقولو حنا نعارضكم انتم كيت وكيت وكيت



ياجماعه الخير عورتوا روسناااااا فكونا من الكلام الي لايودي ولايجييييييييب




سلام

[راعي المشعاب]

لاهنت اخي شقردي الله يعطيك العافيه

[kigf]

اي ديمقراطية يابن الحلال ؟ إلا فساد وظلم والدعوة صارت نهب في نهب وسياسة خارجية تعيسة (سياسة البقرة الحلوب)
حنا الوحيدين المسؤولين عن مشاكل العالم ؟

كل اعلان بالجرايد عن فائض بالميزانية ثاني يوم يجيك رئيس دولة وياخذ نصيفتها جعل مافيه عافية

لا ومن المضحك المبكي
العراق فيها نهرين وماشفنا منها إلا الشر وحكومتنا تقطع الماي علينا وتهددنا اذا مادفعنا الفواتير لا والفواتير كلها نصب واحتيال الصاع مطبوق وللعراق ببلاش والله قهر (عين عذاري) هذي بالنسبة للماي بس واللي غيره واجد غيض من فيض

الله كريم دوام الحال من المحال