قصيدة الشاعر الكبير / غازي بن دغيم العجمي ....في .. الشـيخ / مشعل بن خالد بن محمد اب

[سفير القصيد]

قصيدة الشاعر الكبير / غازي بن دغيم العجمي ....في .. الشـيخ / مشعل بن خالد بن محمد ابن سحمان ابن حثلين


قال الأديب اللي يقول المثايل *** في مدح شيخ من شيوخ مسمين
مشعل إليا عدو عيال الحمايل *** يعد شوق المترفات المزايين
من ماكر طيره يصيد الجلايل *** معروف ابن سحمان من راس حثلين
اشقر عديم ناشياٌ بالصمايل *** مهوب تبع ما يسر الموالين
من لابة يوم اصطفاق القبايل *** ترعى بهم شقح النياق الملاوين
بمصقلات تودع الراس مايل *** بيوماٌ يحذف الستر فيها اريش العين
يرعون عشباٌ مبكرات المخايل *** غماٌ على العدوان زعلاٌ وراضين
اخوان لجعه كاسبين النفايل *** درع المعيضي في نهار اللقى الشين
لا جاء نهار والفشق له شعايل *** يردون حوض الموت ورد المحيمين
ومنهم اللي فاخراٌ بالفعايل *** بالطيب تشهد له الوف وملاين
اللي تخيل من خيال الأصايل *** ايضاٌ ودربها على طمر مترين
وهجم على الفارس وراحت سحايل *** وخمه مثل ذيباٌ خطف تالي الضين
عجمان يوردون السيوف السلايل *** لا جاء الوغي والهوش عند السوادين
عجمان ينطح جمعهم كل عايل *** لا جوهم الطماع راحو معيفين
كم طلقوا في وردهم من حلايل *** مثل يوم حماٌ المرازيق راسين
والطبعه اللي في السنين الأوايل *** جوهم أهل نجد وهم شويين
سوا طريقن بالسيوف السلايل *** وشلف مع اللي يلحقون المتلين
نطاحة الكايد كبار الهوايل *** حماية الساقه كعام المعادين
يرعون بحدود النمش كل سايل *** ماحده جويات الهمل للهياتين
ولها في مدح وافي الخصايل *** مشعل ولد خالد ربيع المقلين
ابوه ريف مدرهمات القوايل *** لاجو من بعيد المطاريش عانين
لا جو يدزون المطايا الهزايل *** يلقون بيت يشبع اللي جويعين
يلفون بيت كأنه جبال حايل *** يرحب ويهلي واقلطو يالمحيين
يلقون صحوناٌ كنها النثايل *** لضيف والجيران والربع الأدنيين
خالد زبون اللي جذت في الدبايل *** راعي الشجاعه والكرم والدين
تم الجواب وتم بدع المثايل *** وصلوا على سيد العرب والنبيين

[المنفرد]

صح الله لسانه ويسلم من نقلها

مدح وافي ويستااهل بن سحمان

[الـعـابـر]

صح لسانك ولسان شاعرها

[ابورامي]

السفير تسلم على النقل وصح لسان الشاعر الجزل والنعم بالعجمان كلهم

يعطيك العافيه

[*ابوخالد*]

صح لسانك ولسان شاعرها

[العــــديم]

صح لسان الشاعر / غازي بن دغيم العجمي
ولاهنت ع نقل القصيده

[المستعربة]

لا فظّ فوكـ


ولا عاش شانئوكـ



قصيدة رائعة جداً


سأقرءها لجدتي


لربما أسعفتني بتفسيرها

صحيح أنا بدوية ومن العيب ألا أفهمها ولكن بحكم كوني فلسطينية


أصبح من المتعذر فهمها جيداً



بالرغم من دراستي للأداب العربي



تحياتي

أعذروني أطلت عليكم

لكنها جميلة جدا

[نادرة المزايا]

صح لساان العجمي

ويستاهل ابن حثلين

ويعطيك العافيه ع النقل