قالوا تتوب وقلت بالطرف مصيوب لـشـاعـر الامـيـر/محمد السديري

[المنفرد]

قالوا تتوب وقلت بالطرف مصيوب
والله ماتوب وصافي الخد ماتاب
قالوا تحملت الموائيم وذنوب
قلت الذنوب الها موازين وحساب
قالوا ترى مايفعل العبد مكتوب
قلت افهم اللي تذكرونه يالاصحاب
قالواجهلت وبان بك كل عذروب
وكشفت سرك بين قومك والاحباب
قلت الهوى لقلوب الاحباب مرغوب
ايات حب صورت وسط الالباب
قالوا بعقلك ضايع الفكر منكوب
قلت الموده ماتداويها الاطباب
عقلي معي ماني من العقل مسلوب
انا الغريق وكل شي له اسباب
انا غريق مع هل الحب منسوب
مع زمرة العشاق بالحب منصاب
ما طاب لي زادن ولا اريد مشروب
اليا صفا لي صاحبي عسل الانياب
يغضى بعينه وافهم العلم مقلوب
واسري عليه بليلتن نورها غاب
يرخص لي الغالي اليا حل ماجوب
وعن القرايب حط لي ستر وحجاب
وابعد عن الشكه ولا نوش له ثوب
الاالحديث وقرعة الناب بالناب
اخاف يصبح زين الاوصاف معيوب
وهو عليه من النقا كل جلباب
مما يعيبه طاهر العرض محجوب
ولا حكوافيه البعيدين واقراب
عليه وجدي فايقن وجد يعقوب
وقلبي من اسبابه بوسط الحشا ذاب
كان انكم تدرون بللي شفا ايوب
وجدي سطى بالقلب والحب غلاب
يلومني من لاشكا حب نبنوب
طفلن قرونه ماتغطيه الاسلاب
طفلن نهب عقلي بضحكات وعجوب
فتان لقلوب العشاشيق نهاب
اصبح هو الغالب وانا منه مغلوب
غدا بعقلي بين شاري وجلاب
ان كان شفته صفق القلب مرعوب
وفتحت له بالقلب بابن ورى باب
وان غاب عنى يصبح القلب متعوب
بالصدر كنه بين لاوى وجذاب
والدمع من فوق النظيرين مسكوب
يخضر بدار ممحله عقب الاجداب
اسمه بصفحة مولع القلب مكتوب
دايم يصور لي خياله ولا غاب

[الـمـزيـونـهـ]

يعطيك العافيه
لاهنت

[العــــديم]

يرخص لي الغالي اليا حل ماجوب
وعن القرايب حط لي ستر وحجاب
وابعد عن الشكه ولا نوش له ثوب
الاالحديث وقرعة الناب بالناب



صح لسان قايلها
ولاهنت ع النقل

[المنفرد]

المزيونه

لاهنتي على مرورش

والله يعافيش

[المنفرد]

العديم

لاهنت لاهنت على مروورك

[صوت الجنوب]

قلت الموده ماتداويها الاطباب
عقلي معي ماني من العقل مسلوب
انا الغريق وكل شي له اسباب
انا غريق مع هل الحب منسوب
مع زمرة العشاق بالحب منصاب
ما طاب لي زادن ولا اريد مشروب
اليا صفا لي صاحبي عسل الانياب
يغضى بعينه وافهم العلم مقلوب



المنفرد ...صحت يمينك ..والله يرحم قايلها ..

[على طلوع القمر]

ص[لســانـكـ]ح
ولاهنت على القصيده

[المنفرد]

صوت الجنووب

لاهنتي على مرورش

وصح الله بدنش

[المنفرد]

على طلوع القمر

حياك الله وصح الله بدنك

[حزن الهدير]

صح لسانك ولسان شاعرها

تسلم يمينك

لاهنت