خفاااااايااااا ضمـيـري

[المنفرد]

البارحه ياروح روحي خنجر عتابك حديد
توميبها وإليا أسفهت بين الضلوع أركيتها
حكم الغلا خلاك تطعني وأنا الي مستفيـد =
فـديـتك أنـت وكـل طعـنه مـن يـدك فديتــهـا
محبتك تجري بدمي من وريد اليا وريـــد =
بين الضلوع العوج بخشتها وقلبي بيتهــــا
لينتلك قلبن لغيرك ما يلينه الحديــــــــــد =
ولديت لك عينن لغيرك مـــابعد لديــــتــــهــا
وغنيت فيك النادرات الشاردات من القصيد=ا
للي تثير الصمت بالجمهور لا غنيتهــا
ونشرتها بأقرب مجلات القريب والبعيـد =
على غلاف المختلف كلن قرا منشيتهـــا
عقدن يليق بجيدك الي فارقن عن كل جيد=
والشفه الي هرجها معسول يخرب بيتها
لاقلت أريد قالت أمر قلت مدري ويش اريد =
قالت علامك قلت أنا بغيتها وأخطيتها
مره من المرات في ليلن نسانيسه جلــيـد =
هزتني الذكرى وسرتني وأنا سريتهــا
مدري بطل مدري خبل مدري ذكي مدري بليد =
مير المهم أن العنود اللي دعتني جيتها
وان شفتها عقب التعب والليل والبرد الشديد =
أقول ياليت الليالي كلها يا ليتهــــــا
مرت شقاها لشقي ولذة سعدها لسعيـــد=
وألذ منها الجمره الي في يدي ضميتهـا