مـاودي الناس تدري وش يبكيني !!

[{إنـسـآنـة}]

السـلام عليگم ورحمة الله

مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـافـي
سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي
وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي
أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافـي
أمـانـتك .. خـلـها مـابـيـنك وبـيـنـي
خـابـرك يـالـدرب خـوة عـمــر وسـنــادي
مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي
أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي
وحـيـد والـلـيـل بـردونـه يـغـطـيـنـي
تـقـول كـن الـبـلد روح بـهـا الـســافــي
إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي
قـمـت أتـلـفـت وأنـادي ... لاتـخـلـيـنـي
مـاغـيـره الـصـوت .. هـذا صـوتـه الـدافــي
ولـمـحـت زولـه مـن أقـصـى الـدرب لافـيـنـي
مـدري وش أقـول لـكـن حـي هـا الـلافــي
تـعـال .. شـف غـيـبـتـك كـيـف أثـرت فـيـنـي
تـعـال .. شـفـنـي وأنـا أغـرق عـقـب مـجـدافـي
تـعـال.. خـذنـي ورحـبـي مـن عـنـاويـنـي
تـعـبـت أعـدي عـلى جـمـرك وأنـا حـافـي
تـعـال وإقـطـف بـصـوتـك زهـرة سـنـيـنـي
كـل الـمـواعـيـد عـقـبـك شـمـعـهـا طـافـي
تـعـال وإزرع خـصـل شـعـرك بـكـفـيـنـي
بـضـمـهـا لـيـن أحـس بـلـيـلـك الـظـافــي
تـعـال وش فـيـك خـايـف ؟ أنـت نـاسـيـنـي ؟
قـطـعـت صـوتـي عـلـيـك وطـال مـيـقـافـي
حـتـى بـديــت أشـعـر إن الـحـب مـعـمـيـنـي
وإن أنـت حـلـم عـثـى فـيـنـي وأنـا غـافـي
لـكـن أمـانـه تـرى الـلـي فـيني كـافـيـنـي
إن رحـت مـنـك كـذا مـارحـت مـتـعـافـي
بـصـّدق الـحـلم وأحـذر لا تـصـحـيـنـي
فـي خـاطـري كـلمـتـيـن وإن قـلـتـهـا كـافـي
أمـانـة الـلـه عـلـيـك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي
مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي


لكم مني كل الود

[غلا البدوان]

صح اللسان كاتبها
ويعطيش الف عافيه

........<تقبلي مروري

[الهنــــــــــوف]

عشتي .. عشتي على هالاختيااار الموفق لاهنتي على ذوقك في الاختياار

[نصير الطاحوس]

صح السانش

[خالد بن نفل]

صح لسانش ولسان شاعرها
ولاهنتي على النقل
وتقبلي مروري

[جـاركـ الله..!]

الله الله

لاهنتي ياانسانه علي الطرررح المميز

سلمتي ودمتي

[{إنـسـآنـة}]

غلا البدوان ، اسعدني مرورش العطر
الهنوف، عاش غاليش ،، ولا ندمتي يالغلا
نصير الطاحوس، صح بدنك ولا هنت عالمرور
خالد بن نفل ، لا ندمت ، اسعدني مرورك
جارك الله ،، لاندمت وتسلم عالمرور

[*ابوخالد*]

صح السانك والسان شاعرها

ولاهنتي على النقل الرائع

[ريــما العجمان]

الله الله على روعة هالابيات لاهنتي

[شيوم العجمي]

انسانه

رووووعه فهد المساعد
لاهنتي على الاختيار الاكثر من رائع

تقبلي اطيب تحياتي
شيوم