.. كان خلي من عذابي تمتع ورتوااا ,, جعلني قبله وهو بالعمر كنه شعيب ..

[سـحـآيب]

مدخل:
ياعذاب اللي تعنى ورى طرد السراب
يحسب انه يروي اللي يدور للشروب

مات حلمه قدم عينه ولا دل الصواب
والقهر لاشاف خله على غيره يذوب

ياوجودي والليالي بوادرها خراب
والزمن ماهوب صادق وانا ماني كذوب

أه ياقلبي وجرحك تعبت من العتاب
كيف اعاتب صبحي اللي تركني للغروب

ابني الأمال وتطيح من حد السحاب
واشعل شموع المحبه ويطفيها الهبوب

واحسد اللي من عنا الحب والاحزان تاب
وانت ياحب جرحني متى عنك بتوب

النص

كل عرقِ بخفاقي على شوفك ذوا
.........................................ياغناتي يوم صوت لك مالي مجيب

لعنبو حظِ حداني على بعد النوااا
..........................................ولعنبو رااااين بقربك تردد مايصيب

شاشة التفكير لجلك مسهرها الخواااا
......................................جعل تسقى شوفتك قبل ماشمسي تغيب

انت مثل البرق يومه على المشفي ضوااا
.......................................قاعدِ يرجي الحيا من شعيبِ في شعيب

ولا انا كني صويبِ فشل فيه الدواا
.........................................في ديارِ عاش فيها وهو مثل الغريب

اجنبي والاجني له قضيه واستوااا
........................................عمره اللي فات واللي بقى ماله نصيب

طالبينه دم والدم راعيه انتوااا
................................................غير ثاره مايبي لابعيد ولا قريب

ولا انا وجدي عليك انت ياسقم الهواااا
.......................................سعد الله لو تجيني عقب طول المغيب

والله ان اقول يلايمي مالك لووواا
.......................................هذا من شيب بخله قبل وقت المشيب

كان خلي من عذابي تمتع ورتوااا
............................................جعلني قبله وهو بالعمر كنه شعيب

لاتهنى في حياته ترا الباقي سوااا
.....................................ماعلي امن المناوي تصيب اوهي تخيب

مخرج:
احسب ان الجرح الاول الى صديت طاب
لين صديت ولبست المواجع لبس ثوب

صرت عقبك..بين ربعي..احس بالاغتراب
ضم قلبي .. ضم عاصي للذات الذنوب

والنتيجه راح قلبي ذهاب بلا إياب
لين ضعت..وذكرياتي متاهات الدروب

ابتديتك حلم يكبر..من ايام الشباب
وانتهيتك جرح..دمه مع الذكرى يروب