. . . { آنـــآ مــآزلتْ آشــوفــَه ريفْ قـلـبــيْ وَ مـربــآعــه } !!

[سـحـآيب]

الجَرحْ جَرحْ القَلبْ وازْرِيتْ أَدَاوِيهْ
يــاحَـــرَّةْ المَشْــتَــاقْ أَلفِيـنْ حَـــرَه
مَاجـَاه مَنِـي غِـيـرْحَاضَــرولَبِـيـهْ
ومَاجَانِـي مَنّـه غِـير هَـمْ ومَضَـرَه

[سـحـآيب]

هذا الذي ما كنت حاسب إحسابه
ألقى الجفا من واحدن دوم مغليه
يا دمع صور حزن قلبي وما به
كودك لهيب النار يا دمع تطفيه
من شاف دمعي قال هلت سحابه
بس المطر ماهيب هذي حراويه

[سـحـآيب]

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته

[سـحـآيب]

كانك تغزل
في
محاسن وصوفي

انا
القمر
وانته منور حياتي

,

[سـحـآيب]

يامتصل بي وانا من طاري احبابـك
اتعبتني شوفنـي حيـة وانـا ميتـه
والله مدري عن اللي صار في غيابك
انشد خواتي وش اللي فـيً سويتـه

[سـحـآيب]

الضيقه اللي لاضواني الليل جتنـي ساريـه
وأستوطنت صدري من البارح وعيّت لاتروح
الله يجازيها,أسرفـت فينـي وكنـي داريـه
قد لي ثلاث أيام تخنقنـي وبارقهـا يلـوح
تكتم على أنفاسي وتودعْني بْحالـه طاريـه
وتْجدّد الأوجاع يامشكـاي وتْزيـد الجـروح

[سـحـآيب]

ريح السمر جاني وأنا مدري امنين
الحـي كلـه ذاابحَتْـه الحضـاره
مجالسٍ فخمـه و ورد ورياحيـن
لاشك مامنهم حـدن شـب نـاره
وجدي على مَجْلَسْك يابوي ذالحين
وذااك المشب اللي جدير ابتكـاره
وسمرٍ عليه يْوسّع الخاطر الشيـن
يجذب سنـاه اللـي بْعيـدٍ دْيـاره

[سـحـآيب]

هنيّك مْريّح ماسرق فكرك الهاجوس
ولاشال قلبك من هموم الاوادم شي
ولاهمّتك دنيا ولاخذت منها دْروس
ولاباكي(ن)ميّت ولاناشدٍ عن حـي
ولا ساهرٍ ليلك ولا خاطرك محيوس
تْلاعب يْدينك بس وتْنام كل شْـوي

[سـحـآيب]

تدري إني رحت فيها ولاكنّـك دريـت
وتدري أنك تقترف يالغلا فيني ذْنـوب
وتدري أنك تسرق الفكر مني م أستحيت
خذت عقلي لاشعوري وعارضت الهبوب
ياكثر ماقـد نهيتـك ولكـن م أنتهيـت
يالسروق اللي تماديت في سرق القلوب

[سـحـآيب]

ليت المنبه ماصحابي من النـوم
ياليتني ماسمعْت صـوت المنبـه
ماصار لي في لذة الحلم مقسـوم
الله على ذا الحـظ ربـي وربـه
حتى من الأحلام متعس ومحـروم
دايـم معاصيـر القـراده تهبـه
حلفت لو لانمت م/أصحى ولا أقوم
ماعاد أركد عنـد رااسـي منبـه