. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,





حبيت ( بيروت ) واغرتني لياليها
وفيها تذكرت : ان من حب ! مايكره


الشعر : حاله من الاوعي أعانيها
أسمى من ( القافيه ) وأكبر من ( الفكره )


عزاه ياوردة ٍ في ظـــــل ساقيها
مــاعــاد لي في شذاها حق ,, وافتكره


كانت لي ( الخير ) في الدنيا ومافيها
لـــكـُن ماعانني وقتي على ( شكره )


كانت هنا ؟؟ وكانت عيوني حواليها
وراحت ولافاد ( حلم ) العاشق ومكره


أقول : يمكن ( يجي بكره ) ! والاقيها
ومدري ؟ متى بهتني ,, ويجيبها بكره !


ذكرتها .. وأحسب اني كنت ناسيها
ياجرحي اللي تعبت ( بكتمه وذكره )


المشكله لا ( سكرت بـخـمـر ) طاريها
ذكرت مـر الزمان ,, وفـكـٌـت ( السكره )

[[ عسّاف خيل ]]

,





من شافها ! هانت عليه المعاصي
ريم الحشا , ترفه غلا , قمّه الذوق


عبدالصمد , والفودري , والرصاصي ؟
( دجّت تجارتهم إليا مرّت السسوق ) !!




,

[[ عسّاف خيل ]]

,









يادهر لا تجري .. ويالايام ( حنّي )
قلبي من الحرمان , ينبض من انينه


خلقت في الدنيا غريب , وصرت كني ؟
( كلمه جميله ) جات في ( جمله حزينه )







سعود بن مهدي

[[ عسّاف خيل ]]

,







المحبه ماتجي : دين وآقصاد .. وسلف !
........................ يا تجيني كاش ؟ .. ولا فلا .. تشفق عليّ



يا تجي مثل : ترحيب ( يــام ) فوجيه إمحلف ؟
........................ ياتروح .. وخل قلبي .. على ماهو ( خلي ) !

[[ عسّاف خيل ]]

,





الناس لـ الناس .. يوم الناس كانوا نظاف
واليوم .. عقب إختلاف الوقت ( محدٍ لـ أحد )



ماهوب بس القوي يجحد .. حقوق الضعاف ؟
اليوم .. حتى : الضعيف .. إليا تقوّى ( جحد ) !

[[ عسّاف خيل ]]

,





شطحه .,





ملاحظاتي سببت لي صلف
فالوارده صلفان والشارده !


افتح لها بالشعر عندي ملف
والصدق عدٍ يرتوي وآرده ,


ماهوب لازم لا عزمت ( تحلف )
قسها معي بالميل .. واليارده


كم معسرٍ يأخذ ثمنها سلف
لو ماحلف ؟ عزيمته وارده !


وكم مغتني عنها يدور ويلف ,
وإليا عزم : عزيمته ( بارده ) !

[[ عسّاف خيل ]]

,







السلام عليكم ورحمه الله وبركاته

تقبل الله طاعتكم
وعيدكم مبارك ,











العيد جمّعنا عقب ( شحّ الافراح ) !
ياربّ : زيد ذا العام بـ التباشير ,


ماضقت من غيبه , وذا العيد مرتاح
( جماعتي حولي ) ( وشيباني بخير ) !

[[ عسّاف خيل ]]

,





والله اني جريح , والله اني حزين
ليت حزني طبيعه / كان بدلّتها !


بس حزني من الصدّه وطول الحنين
وخيبه امالي , اللي فيك ( أملتها ) !


ياموّقف علاقتنا ., مابين وبين ؟
لا تراجعت منها .. ولا كملتها !


كان مرخصني ؟ الله مايرخص ثمين
وكان ( جافي زعل ) ؟ تراك طوّلتها !!


عايدوك المسيحين و المسلمين !
وانا روحي على معايدك علمّتها ,


ياحسافه على الرفقه و ( حبّ السنين )
حتى كل عام وانت بخير ( ما قلتها ) !

[[ عسّاف خيل ]]

,






ما اشين على المشتاق في زحمه العيد ؟
الا : إبتسامة .. في وجيه ( الرفاقه ) ,


ودّه يعايد وآحدٍ ( صدّ ) .. والميد ؟
ماعاد .. من بينه وبينه ( علاقه ) !

[[ عسّاف خيل ]]

,







من المحال تكون ( مبدع ) وانت عاجز تنسجم !
في مبدأ : إظهار السعاده , وانت فالواقع جريح


حاول تكون ( انت النجوميه ) ولا تكون النجم ؟
ترى النجم : مهما .. علا .. يمكن بعد فترة يطيح !


افضل وسيله ( للدفاع ) .. انك تجرّأ .. وتهجم !
وأفضل وسيله لـ الشجاع , يكون في قوله صريح


لا تعطي الدنيا ( حجم ) , فـ تصير في عينك حجم
حاول ماتفهمها ( خطأ ) , عشان ماتفهمها ( صحيح )