القلب بارق شوق & الغيم هتان

[مـ ع ـذور أح ـبك]

ياصعب وصل اللي عيونك تخيله = كنه سرابٍ ينتحي كل ما طرد
لا تعتذر باقدار وقتٍ بخيله = احساس خلك فالقواميس ما ورد

[مـ ع ـذور أح ـبك]

شوف الغلا في داخلي كيف يدعيك = وتدري بأنك مانت قد اهتمامي
وشلون تجفى من يحبك ويغليك = خصٍ ليا من كان هذا مقامي!!

[مـ ع ـذور أح ـبك]

بـهـدلـتـنــي والـــحـــظ مـــقــــرود نـــايــــم = ماعّـن صـوب اللـي ذبحـنـي وداده
منت الذي من لهفة الشوق صايم = مالـك ومــال الـعـذل ماهـيـب عــاده؟!

[مـ ع ـذور أح ـبك]

ملامحك لامن ضحكتي تجنن = كلك براءه يامنى القلب انتي
ولحالها غمازتك ذي تفنن = في جذب خلق الله ليا من ضحكتي

[مـ ع ـذور أح ـبك]

دهور حياتي غيبته عذبتني = والهم جمّع في خفوقي هدومه
تخنقني العبره وعيني قذتني = والدمع يتأهب لطاري قدومه
شفته وكل جروح قلبي بكتني = تخفف الوطأه علي وتلومه
الحين جاي ابشرك طاح متني = مافيه داعي لاتورد همومه
القلب مات وفطنتي طاوعتني = ماعاد خفّاقك يصوب سهومه

[مـ ع ـذور أح ـبك]

امر ركنك قبل اسجل دخولي = اقرأ جديدك واتهجّاك وآروح
ادوّر اللي بخاطرك لي يجولي = اداري احساسك من الروح للروح
لاتحسب اني لادخلته فضولي = قد قلت لي "كل ماتضايقت مانوح"
"اكتب فركني من عقايب ميولي = كل مالقيتك منت ياصاحبي توح"
لاعاد تتضايق لو الكل حولي = لاني مانيب الا ((حبيبتك بوح))

[مـ ع ـذور أح ـبك]

فــي ذمـتـي ياصاحـبـي ماتغـيـرت = هذا انا كني انا قبل مالقاك..!!
تـبـي اتـأكـد شـووفـنـي لا تـذكــرت = تطيح دمعاتي علـى فقـد شـرواك

[مـ ع ـذور أح ـبك]

لا تكترث لا مني ابطيت عنّك = المغترب مهما ابتعد للوطن حنّ
مردي ارجع واحتويك واحنّك = القلب لولا موثق الحب قد جنّ
كنه ضما العطشان والماي كنّك = لو ماشربك اشواق .. ماينفع المنّ

[مـ ع ـذور أح ـبك]

هاضتني اشجان الحروف وبكاها = وحسيت فيها لين ما هل دمعي
كني انا المضيوم ماني سواها = لحن الالم يعزف على جال سمعي

[مـ ع ـذور أح ـبك]

لك طلةٍ يزين فيها صباحي = لبى الصباح اللي يعانق عيوونك
حبيبي اشغلك الغدو ومراحي = حتى لو أنك مستظل بسكونك
تدري وش اللي ذابحني وانا حي = انك تكابر وانا مصدر جنوونك
اياك تعفيني وتطلق سراحي = اسجنّي في صدرك حبيبي وكونك