ياالله ياحسن الخاتمه

Aziz · #1 22-01-2005, 10:39 AM

السلام وعليكم ورحمة الله وبركاته

الصراحه هذي السالفه واقعيه ميه بالميه , شنو السالفه انا اقولكم الحين :

مره كنت مسافر حق تايلند , المهم تونا واصلين رحنا المكان اللي نبيه ورحنا فندقنا,

حطينا اغراضنا و خذينا غرفنا و ارتحنا شوي بعدها بدلنا وطلعنا , رحنا حق احد هالاماكن

اللي ماتذكر , المهم شفت واحد شااايب (عود ) فيه الستين وفوق,

معه بنت عمرها اذا كبيره 19 , وتعرف التايلندين صغار وسكون يطامرون بكل محل

والبنت قاعده تطامر عليه و تضحك عليه وهو مافيه شده يرقص, قاعد (يفح)

شوي ويموت , الصراحه اثر فيني الموقف وبغيت اطق البنت , المهم جيتهم وطرت

البنت وقعدت اكلم الشايب , اقوووله ياشايب ما تحترم شيباتك وتروح حق اهلك

وترتاح احسن, والله ما توقعت يرد علي كذا , توقعت يستحي قالي انت تبي تقص علي

عشان تاخذ البنت , قلتله لاوالله ادورلك الخير, ورد علي وقال اذلف تراك طيرت

السكره وخربت المزاج , وقام يرقص وبطله بيده .

وانا ما اقول الا يالله حسن الخاتمه.

ابو محمد · #2 22-01-2005, 01:23 PM

لا حول ولا قوه الا بالله

يعطيك العافــيه ياعزيــــز

هند · #3 22-01-2005, 03:04 PM

لا حول ولاقوة إلا بالله

لك الشكر أخي القدير

السؤدد

صـــمتا · #4 22-01-2005, 05:42 PM

اي والله يالله وحسن الخاتمه .. شكرا لك على القصه ...

ومعرووفه تايلند... والله يعين شيبات الشايب عليه .. ويهديه ان شاءالله ...

وجزاك الله خير .. على انك جيته ونصحته ...

شكرا لك على جهودك

Aziz · #5 22-01-2005, 05:53 PM

ابن عجيم والسؤدد وبنت السلاطين مشكووووووووورين

على المرور الحلو

كويتيه · #6 23-01-2005, 04:08 AM

لا حول الله
زين عزييز اهوو الشايب شصله؟؟؟
لا تقولي عربي؟؟؟

يعطيك العافيه على هالقصه..

Aziz · #7 23-01-2005, 10:16 AM

مشكوووووووره كويتيه عالطله

والشايب عربي , وكويتي.

مربوش · #8 07-09-2005, 04:06 AM

لا حول ولا قوة الا بالله

.,’.,’.,’.,’.,’.,’.,’.,’

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري