يا أخي وش تباركون له.. حنا ما فزنا بسقوط العدوه

[ال مفلح]

يا حبيبي العدوة ما سقط

بالعقل آخر نتائج للمناديب كان العدوة المركز العاشر وحاصل على 13226 صوت

والمركز الحادي عشر كان بادي وحاصل على 12886 صوت

يعلن القاضي بشكل رسمي أن

المركز العاشر بادي وحاصل على 12986 صوت ( أي زيادة 100 صوت )

المركز الحادي عشر العدوة وحاصل على 12780 صوت ( أي نقصان 446 صوت )

شي ما يدخل العقل ..!!؟؟

المفروض يزيد مثل ما زاد بادي واللي حصل إنه نقص قرابة 450 صوت

بإنتظار نتائج وزارة الداخلية وهي ستكون المفصل الحاسم لهذا الخطأ

وإن شاءالله إن أبو محمد ناجح

[معشي الذيب فلافل]

خلهم يباركون العدوه ناجح بس يبيله كم يوم وتشوفه بغرد في المجلس

[محمد سالم الشاعر]

المشاركة الأصلية كتبت بواسطة هادي العيسى 101

عين خير و لا و الله بنبارك و بنفرح

هذي ارادة الله و غيرنا من القبائل يتمنى بس يكون لهم ممثل واحد فقط بالمجلس و احنا الحمدلله ثلاث و الرابع انشالله بيلحقهم

هذا العتيبي مغير واحد بالدايرة وفرحانين و يرزفون

انتوا بس ادعوا للعدوه "وتفائلوا بالخير تجدوه " يا المتفائلووووووووووووووووون

اخي هادي العيسى الحترم.....

اول شئ انا اهنيك على هالكبد اللي تقدر تفرح بسقوط واحد من ربعك ولا مو اي واحد بعد.. الا رمز من رموز القبيله
ثاني شي تقول غيرنا من القبائل يتمنى بس يكون لهم ممثل واحد فقط بالمجلس.. اذكرلي هذه القبائل مع اعدادها والقاعده اللي تنطلق منها وياليت تقارنها بقبيلتنا واعداها وقاعدتها اللي تنطلق منها... يا اخي الدائره محسومه 4 عجمان 4 عوازم و2 من باقي القبائل.. وبعدين حنا ليش نطالع تحتنا ليش ما نطالع فوقنا ونشوف العوازم وفعلهم ومطير وفعلهم شي يخجلنا ويحرجنا اللي صار.. عموما انا ما جيت لجل المجادله ولا كتبت لجل الكتابه والمهايط وابراز الذات.. انا جيت ابي حل للمشكله اللي حنا فيها وقلت:

-اذا مشكلتنا باطنيه ومنا وفينا فيجب على امير قبيله العجمان و وجهاء قبائل يام كافه التدخل السريع وعلاج هذه المشكله اللي ماتزيدنا الا انشقاق
-واذا في خطأفي الفرز فيجب على الاخ الفاضل خالد العده بومحمد الطعن في نتائج التصويت وهذه حقنا وما راح نتنازل عنه.... كلامي فيه خطأ؟؟؟


عندنا انتخابات المجلس البلدي ولا نبي هالاخطاء مهما كان حجمها كبير ام صغير انها تتكرر...


ملاحظه هامه:
الفوز ليس خالد العدوه ولا خالد الطاحوس ولا الصيفي ولا الحويله
الفوز هو (( 4 )) مقاعد للعجمان وثق وآآمن بالله اي عجمي تزكيه القبيله ولم ينجح فيه خساره للعجمان وان لم تكن للعجمان فهي خساره لي انا شخصيا

كل الود لك

[عريب المجنا]

تفائلو بالخير تجدوه

والله يفوقك يا أبو محمد

وبخصوص كل خذ يزكي واحد وتصير التشاوريه على إخراج 4 أعتقد ما راح تصير ولا راح تصير
لانك ما تقارن فخذ عدده مثلا 5 الآف بفخذ فيه 600 شخص وحنا مع بني عمنا وشيبانا واللي يقولونه عين الصواب

[عجـــمـــي واقــعــي]

المشاركة الأصلية كتبت بواسطة ليتك معي

العلم عدلوا تشاوريتكم يا العجمااان


عشان تطلع الكفاءات ويتحسن الوضع


مالكم الا تطلعون من كل فخذ مرشح واحد ويتم تصويت جميع يام عليه


وبهكذا لن يظلم أحد أو بالأحرى (يخف الظلم)

وتزول الأحقااد


وان ما عجبكم كلامي؟ عند خشومكم


بس لاجا نهار تصويت الرئيسي لا تقولون ماني مصوّت له .. ظلم ليه يطلع بالتشاوريه ؟؟

هذا حل وتكلموا فيه الأخوان

ياليت تعيدون النظر فيه

الاقتراح اللي كتبته ماراح يحل المشكله حتى لو خليت

كل فخذ يطلع منه واحد لانها راح تصير مشاكل بين الفخذ نفسه

مثل مشاكل الفرعي العام الحل ان حنا كقبيله دخلنا وصوتنا في الفرعي

يجب ان نلتزم في مخرجاته عجبنا الوضع او ماعجبنا لان عندنا امثله على قبايل

كثيره داخل الكويت تعمل فرعيات وترضى وتلتزم في نتائج القبيله

اما انا بالنسبه لي شخصيا اتمنى انه كل انتخاب يطلع واحد من فخوذ يام ولكن

المتابع للانتخابات وللفرز يعلم جيدا انه لايوجد واحد من المرشحين نجح باصوات

افخذه اللي ينتيميله وعندنا امثله كثيره خالد العدوه في سنة 96 حصل على المركز

الاول بالفرعي 1200 صوت وكانت اعداد الفخذ اللي ينتميله 600 صوت والمثل الثاني

والجديد فالانتخابات الاخيره كان هناك شافي طالب حصل على اعداد اكثر من اعداد

الفخذ اللي هو منه وكنا موجودين داخل غرف الفرز وكان ياخذ من العموم وهذي ظاهره

صحيه ومستحيل ان يصل الى النجاح اي شخص يعتمد على الفخذ اللي ينتميله اذا ماياخذ

من اصوات يام الباقيه

اما غيروا الفرعي والا عند خشومكم هذا اسلوب لا يدل على روح التشاوريه والفرعيه

واذا كان اي واحد بيسقط الشخص اللي يبيه بالفرعي راح يقول عند خشومكم ماطبنا

ولاغدى الشر المفروض ان بعد اي فرعي تنتهي كل السوالف وتلتحم كل القبيله على من

خرجوا من الفرعي بغض النظر عن كفاءاتهم واذا كنت ابي اقيم الكفاءات ماشارك بالفرعي

واذا شاركت يجب ان التزم وترى كل القبايل اللي تعمل فرعيات طلعت ربعها ولاحد قال غيروا

طريقة الفرعي والا عند خشومكم

والله يجمع يام ويوحد كلمتها على العز والناموس وشكرك على وجهت نظرك معنى ان

انا مخالفك الراي وشكرا