غلطه غير مقصوده تنهي حياته

[سمو الامير]

هذه قصيده تحكي معاناة انساااان بسبب غلطه غير مقصوودة انتهت حياته ..
سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..
كانت اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد ..
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
لا اطيل عليكم .. هذه القصيده بين ايديكم

يا فلاح الهـم خيّـم فـوق قلبـي يـا فلاح = كيف تبغاني اسولـف وانـت خابرنـي عليـل



ويش قولك في عليل ٍ في حياتـه مـا ستـراح =تنتثر دمعـة عيونـه لاظلـم الليـل الطويـل



حالته لا ما تباعد حـال ( سلطـان الربـاح )=بالخطا راحـت حياتـه والخطـا مالـه مثيـل



كان ويّا صاحبـه اثنيـن فـي أرض ٍ بـراح=يطردون الصيد دايم من صبـح ليـن المقيـل



اجمعتهم صحبة الدنيـااا علـى جـد ومـزاح=مـا يهابـون الليالـي والحمـول اللـي تميـل



ما قتل عامـد ولكـن ثـوّر ابليـس السـلاح=بالخطا ثـار السـلاح ويـن يلقـى لـه دليـل



انعقد سجنه .. وربعـه تنتظـر فـك السـراح=والاكيد انه سجين وما رضـووا ربـع القتيـل



هل دمعـه يـوم صلّـى ركعتيـن فالصبـاح=في نهار الجمعه اللي مـن ثقيـل ٍ فـي ثقيـل



هلّل وكبّـر .. ونفسـه تذكـر اللـي راح راح=كان في ربعه عزيز .. وذلّـه الوقـت الذليـل



(لا محمد لا تهانـي لا سعـود ولا صـلاح )=كلهم كانوا على بالـه وهمّـه فـي ( هديـل )



طفلة ٍ مـا كمّلـت عاميـن صايبهـا كسـاح=وانتثـر دمعـه وحالـه مـن سبايبهـا نحيـل



حان تنفيذ القصاص .. وغطوا الراس بوشـاح=وجاك سيّافه يشيل السيف ابـو حـد ٍ صقيـل



ارتخى راسه .. وزاد الموقف الحامي صيـاح=بين نوح وبين دمع وبيـن صيحـات وعويـل



وارتفع صوت الحشود .. وزاده محمد وصـاح=يا يبه تكفـى دخيلـك تستمـع قـول الدخيـل



يا يبه وشلون نصبر كيـف نهجـع بارتيـاح=وانت من دنيااا عيالك ماخـذك مـر الرحيـل



يا محمد .. هاك علمي واحفظه قبـل المـراح=انتبـه لاخوانـك وبالـك عليهـم لا تعـيـل



والله الله .. فالصـلاة وفالصيـام وفالصـلاح=والله الله .. فـ( امكم ) والله لكم بعـدي كفيـل



غمّـض عيونـه ونفسـه تطلـب الله السمـاح=رافـع ٍ سبابتـه .. ( مظلـوم ) والله الوكيـل



سل سيّـاف الصفـا سيفـه ودقـه ثـم طـاح=راس (سلطان المراجل ) وانتثـر دمـه يسيـل



غسلوه .. وكفنوه .. وفاح طيب السـدر فـاح=وبالمصادف صار قبره جنب قبر ( ابن العقيل )



يا فلاح .. الكارثه ما هي سوالـف يـا فـلاح=خلنـي ساكـت ودوّر غيـر هالقصـه بديـل

[متعب الوقت]

والله ان العبره غصتني وانا ااقراء القصيده....قصيده فعلن مؤثره والله يرحم المتوفين ويسكنهم الجنه وصح لسان شاعرها ولا هنت على كتابتها....

[احمد المرزوقي]

لا حول ولا قوة الا بالله

والله انها قصيدة تعور القلب

الله يرحمهم ويغفر لهم يارب

مشكور اخوي(سمو الامير)

[العــرجاني]

لا حول ولا قوة الا بالله

الله لا يهينك سمو الامير
والله يرحمهم واموات المسلمين

[هند]

لا إله إلا الله
قصــة مؤثرة تعور القلب
الله يرحمهم جميع ويغفر لهم ويجمعهم في جنات النعيم

سمو الأمير
لك الشكر


الســــــــــــــــــــؤدد

[الملتاع]

لاحول ولاقوة الا بالله


قصيده مؤثره جداً

ورحم الله سلطان ومحمد

ولاهنت على القصه

[ذيب القوم]

مشكور ويعطيك الف عافيه


الصراحه انها غلطه

لحد يستهين بلغلطه البسيييطه ترها تنهي الدرووووب

[عيد بن شدقان]

لا حول ولا قوة الا بالله

الله يرحم امواااات المسلمين

لاهنت ياسمو الامير

[سمو الامير]

ارررررحبوا كلكم

والله لا يهينكم على المرور والتعليق

[البدوي]

سمو الامير

ينطيك العافيه

واعتقد فيه نفس الموضوع في هذا القسم