بعض العـــرب !

[هند]

( بعض العرب )

بعض العرب ماينعطي وجـه بالحيل =وليا عطيــته وجه صار إلك عله
و بعض العرب ماله سـنع لكن حليل =بالضبط كنّك لا تمـعنت ظلّـــه
وبعض العرب شقرا وشقرا مع الخيل =ما ينفعك لـولا الرموش المظلّه
وبعض العرب لايعجبك ثرثرة ليــل =وباكـر ترى ماقال لك شيء للـه
وبعض العرب مرسال مدري مريسيل =يسايرالعالم وهو حاصــلٍ لـــه
وبعض العرب يسـلخ وينفخ وهو ريل =وفي زعمه أنه يفهم الكون كلّـه
و بعض العرب ماغير بـندق ودربيل =ومنين ماهب الهواء جــايزٍ لـه
وبعض العرب يطـلع كما طلعة سهيل = ويغيب نجمه قبل دربـه تدلّــه
وبعض العرب يوذيك بالقــال والقيل =تجلس معه سـاعة والأخرى تمـلّه
نذل وخسيس يفصل الهــرج تفصيل =وليا لـقـاله طيبٍ يـسـْـتـغلـه
وبعض العرب منظر وكشخة وتحليل =شبح بحال... والحال الأخرى كورله
لاشفت زوله من خيار الرجاجيــل =واليا عرفته ماتجيه بمحــــــله
وبعض العرب ماضيه ليلٍ على ليل =قد بصّموه وصــــوروه الأدلــــه
وبعض العرب ما همه إلا تهــاويل =مهما عقدت الحبل لازم يحـــــلّه
قد دربوه ولكّعوه الرجـاجيـــل =من قبل لايصير الحدث جاهـزٍ له
وكلش يهون إلا الثلاث الغرابيـل =المهزلة والمسكنة والمـذ لـه

السؤدد

[الهتلاني]

صح لسانج مليون وبارك الله فيج
كلمات أكثر من رووعه

[ابوحمد الشامري]

قصيدة رائعة يا السؤدد صح لسانش يا السنافيه اختيار رائع وجزل.

ابوحمد الشامري

[السلاطين]

الأخت الســؤدد

قصيده جزله من راس جزله

[بندر]

الخت السؤدد
قصيده رائعه واختيار موفق,,,,
تسلمين

[راكان اليامي]

صح لسسسسسسسانش وصدق الشاعر بعض الناس ماينعطى وجه ولا ينفع معه الا الخبط

[هند]

ياهلا بالأخ القدير ( الهتلاني )
صـــح أبدانك

أسعدني حضــــورك وماحمل


لك تقديري
السؤدد

[سمو الامير]

وكلش يهـون إلا الثـلاث الغرابيـل المهزلـة والمسكنـة والمـذ لـه

يعطيك العافيه يالسؤدد على الاختيار الرائع

[هند]

يامرحبا أخوى ( بوحمد )
الأروع حضورك أيها القدير


شكراً لك
السؤدد

[هند]

يامرحبا أخوى السلاطين

أسعدني حضــــورك وتعليقك


لك تقديري
السؤدد