السلام عليكم ورحمة الله وبركاته
قصيدة للشاعر الشاب مهذل مهدي آل مهذل الصقور اليامي
شاعر نجران..وهو في المهد .. وسيتضح من خلال القصيدة شوقه وحنينه لنجران وبني عمه.
تسعّرت ضوّ الحشى يا مخاااليق=والعين ما جفّت ينابيع ماها
وقلبي غدى من يابسات المعاليق=ويروغ روغاتٍ بعيدٍ مداها
بأقصى الضماير إمغلقات الصنااديق=الهمّ فجرّها وبيّح هواها
يا ونتي ونّة عشير المطاليق=من جوّر قومٍ ضامته ما قواها
ستيّن ردّف ٍ من عصااة المراازيق=راحوا بذووود ٍ ما بقى الا عصاها
يا ما رعت في القيّض خضر الزمااليق=وبهيبته يا طول ما قد حماها
قالوا تفاارق ديرتك؟ قلت: مااطيق=خطرٍ على روحي تفااارق عراهاا
أحسبتها جمعاً على غير تفريق=ومن يآمن الدنيا يروعه بلاها
من لا بغى الفرقاا تصبّر على الضيق=ويا ماهون الفرقى على من بغااهاا
حظي هوى بي من رجومٍ شوااهيق=صوب (المهد) جعل الحيّا لا سقاها
قال ابن مهذل جرّ زين الطواريق=ومعدلات الشوووق وصلت مداها
وجدي على (نجران) مربى الدوااهيق=صبياان ياام مطوعة من عصااها
(ياميةٍ) تروى الرماح المذاليق=قووم ٍ وطت حرّابها ما وطاها
ياما تثنّوا عند تالي الملاحيق=وغاراتهم في الشام يذكر نبااها
كم شيخ قومٍ ورّدوه التواااهيق=صكت به الجيلااان يوم أنتواها
ترعى عشاايرهم بحدبٍ مفاااتيق=وعلى مواارد نجد تروي ظمااها
يا مرسلٍ خطي طفيّت التعااويق=سلّم على الديرة ومن في ذرااها
رد النظر يمّ السيول المداافيق=وألبق لطلعااات القمر في سمااها
حلفت لأصحى من هواها ولا آفيق=ما حلى سكار أرواحنا فى هواها
سلاااااااام يا ربعٍ عليناا مشاافيق=تحية ٍ تلفى وهلها وراها
الحال يالاجواد ماا من توافيق=نبغى نكحلها فزدناا عمااها
واعوذ وابرى من هروج الهداليق=الهدلقه تضوي على من حكااها
وياا دار لك منى عهود ومواااثيق=على الفرقى يوفيّ بهااا من عطااها
09-12-2004, 09:11 AM
العرض العادي
