(الشيخه) لـ النجدي العنزي ..خطوا الولد مثل البليهي ...

[الوضحه]

هذه قصيدة الفارس الشاعر مقحم بن فالح النجدي الصقري العنزي رحمه الله، وهي من القصائد القديمه ، وسميت بـ(الشيخه) عند عنزة لقوتها وجزالتها، وهي أحدى الثلاثة قصائد والتي سميت لدى عموم عنزة بشيخات عنزة الثلاثه ، الأولى شيخة مشعان إبن هـذال، والثانيه شيخة مقحم الصقري، والثالثه شيخة الدسم السبيعي.

أما قصيدتنا هذه فقد قيلت قبل 200 سنه تقريبا. وهي مليئه بالفخر والحكم والنصائح..والصراحه من اروع ماقيل ومن اروع ماسمعت..

من البارحة بالقلب هجـس ٍ وتعبـار = هجـس ٍ وهاجـوس ٍ تعاقـب نكيفـه

الصبر مفتاح الفـرج هـو والافكـار = من لاصبر تصبـح حوالـه كسيفـه

يالله يالمطلـوب يــاوال الاقــدار = انـت الـذي مـدات جـودك لطيفـه

يالله يالمعبـود عـاون هـل الكـار = تـحـل شــدات عليـهـم كليـفـه

اللـي مجالسهـم بهـا بـن وبهـار = ونجـر ٍ يصـوت للمسيـر رجيفـه

ومكارم ٍ للضيـف عجـلات وكبـار = ومفطحـات فـي صحـون نظيـفـه

تقليطهـم للضيـف قعـدان وبـكـار = وحيل الغنم وقـت السنيـن الحفيفـه

اكرام ضيـف البيـت حـق وتعبـار = والكـل منـا يفتخـر فيـه ضيـفـه

يا مزنةٍ غـرّا مـن الوسـم مبـدار = اللـي جذبنـي مـن بعيـدٍ رفيـفـه

هلت مـن القبلـه هماليـل الأمطـار = من سيلهـا الـوادي غدالـه وحيفـه

تمطر من الهدرا اليـا خشـم سنـار = وتسقـي ديـار محقبـه والحتيـفـه

وتضفي على كل المفالـي والاقطـار = وتصبح بهـا خـدان ربعـي مريفـه

عقب الحيا فاحت بها ريـح الازهـار = وتعاقـب النـوار مـثـل القطيـفـه

وترعا بها الغرا وتبنـي لهـا طـار = عقب الضعـف راحـت ردوم منيفـه

اذوادنـا مايرتعـن دمـنـة الــدار = ولا يرعـن الا بالفيـاض النظيـفـه

يرعـن بعبـدالله وجبـر ٍ وجـبـار = خيـالـة يــوم المـلاقـا عنيـفـه

ترعى بها الوضحا من الذود معطـار = غبوقـة الخطـار عجـلٍ عطيـفـه

يبنـي عليهـا بنيـة اللُّبْـن لجـدار = عقب الضعـف راحـت ردومٍ منيفـه

اذوادنـا يرعـن بنـا سـر وجهـار = من دونهن نـروي الغلـب والرديفـه

ترعى بضف الغوش بقصاف الاعمار = تقطف زهر مرباعهـا مـع مصيفـه

ما هي سوالف مسرد ٍ عقب ما نـار = اللي هرب واطراف رمحـه نظيفـه

إن سوهجوا عنهـا قليليـن الابصـار = من دونها نـروي السيـوف الرهيفـه

ان سوهجوا عنها معاميس الابصـار = حنـا نـرد اللـي يبيـهـا نكيـفـه

خطو الولد مثـل البليهـي اليـا ثـار = زود ٍ على حمله نقـل حمـل أليفـه

بشدا هديب الشـام شيّـال الاقطـار = واليـا كبـر حملـه تـزاود زفيفـه

وخطو الولد مثل النداوي اليـا طـار = صيده من الجزلات ماهـي ضعيفـه

ترجي العشا من مخلبه وقـع وطيـار = حسه على صيد الخـلا لـه وحيفـه

وخطو الولد يصبر على موتـة النـار = صفـر علـى عـود تضبـه كتيفـه

وخطو الولد يامال قصـاف الاعمـار = لانافـع ٍ نفسـه ولا مـنـه خيـفـه

واليا بخصته ماسـوى ربـع دينـار = مع العـرب يشبـه خطـاة الهديفـه

حنا فريـق ولا نغبـي سنـا النـار = مـا ننـزل الا بالـديـار المخيـفـه

ودار ٍ به الحقـران ماهـي لنـا دار = حتيش لو صـارت خصـاب مريفـه

وحنا لك الله مـن بعيديـن الاخبـار = والنفس مـا نلحـق هواهـا حسيفـه

حلويـن للصاحـب وللخصـم قهـار = وعدونـا لـو هـو بعيـد نخيـفـه

حنا كما المشخص عن الصرف ما بار = بالوزن يرجـح والمصـاري خفيفـه

وتلقـى منازلنـا رفيعـات واخيـار = والرجل عن دوس القصايـر حفيفـه

لابد مـا نسجلهـا تواريـخ واذكـار = وتبقـى لدسميـن الشـوارب وظيفـه

الا ومـع ذلـك لـك الله لنـا كـار = عن جارنـا ماقـط نخفـي الطريفـه

نرفا خمال الجار لو هـو بنـا بـار = ونضحك حجاجـه بالعلـوم اللطيفـه

ولا نبدي الخافي لاصار مـا صـار = وندمح خمال الجار لـو بـان حيفـه

ونرفا خمالـه رفيـه العـش بالغـار = ونودع لـه النفـس القويـه ضعيفـه

والجار له قيمـة وحشمـة واعتبـار = وجارتنـا عـن كـل عايـز عفيفـه

ما زارهن من يبغـي الحيـف زوار = الا ولا عنـهـن نــدس الغريـفـه

نبيـه إليـا بـدل الــدار بـديـار = وكـل بجيرانـه يـعـد الوصيـفـه

نكرم سبال الضيـف حـقٍ وتعْبـار = لا مـن ولـد العفـن شـح برغيفـه

أحد ٍ علـى جـاره بختـري ونـوار = و احدٍ على جـاره صفـاتٍ محيفـه

وصلاة ربي عد ماخضـر الاشجـار = على الرسول اللـي علومـه شريفـه

وسوالم..

[فلاح بن ملبز]

حجــز

لي ولـ البليهي

[الـ ـشـ ـقـ ـا ويـ ـه]

الوضحه اختيار مميز لقصيده رائعه





تحياتي لتميزش

[الوضحه]

فلاح ..
ارحب ارحب

حجزكم تمام

[محمد المجول]

الوضحه

يسلم نقلج

قصيده قمه

صح الله لسان شاعرها

لاهنتي على النقل المميز

تقبلي تحياتي

[فلاح بن جمل]

لآ هنتــ ي يـآ الوضحـــه .. ع النقـــ ل وصــ ح اللســـــــآن الشــآعـــــــــــ رر .. !

ولـشـ خــآلـــــ ص تحيـــآتــــ ي ..

[سالم بن فراس]

السلام عليكم ورحمة الله وبركاته ,,,,


الله الله


صدق من قال قديمك نديمك

صح السان شاعرها وناقلتها

والله يرحمه ويغمد روحه الجنه

ولا هنتي يا الوضحه على النقل الجميل .

[فلاح بن ملبز]

يا مرحبا ومسهلا يا الوضحه

وصح لسان شاعرها الصقري ، والله يرحمه ويسكنه الجنه ،

ويعطيش العافيه على ذا النقل المميز

ولش جزيل الشكر

[الوضحه]

المشاركة الأصلية كتبت بواسطة الـ ـشـ ـقـ ـا ويـ ـه

الوضحه اختيار مميز لقصيده رائعه





تحياتي لتميزش

الـ ـشـ ـقـ ـا ويـ ـه

ارررحبي تراحيبٍ تبهج الروح

لاهنتي ع المرور الطيب..

[dont play with me]

الله الله



الوضحه


شي جميل الاستفراد بمثل هذه الثقصيده



والله يرحم / مقحم الصقري




سجلي اعجابي ومتابعتي


,