قصيدة الشاعر الكبير مرشد البذال فى العجمان

[الشامرى]

الاخوه متصفحى المنتدى اليكم هذه القصه والقصيده اللى حدثت على حياة الشيخ راكان بن ضيدان الله يرحمه والد أمير الصرار الحالى،،،،
فيه عجمان جيران للشاعر الكبير مرشد البذال فى الكويت شافهم يشغلون سياراتهم فى الصبح فسألهم وين رايحين قالوا بنروح نسلم على الشيخ راكان فى ضيافة الشيخ جابر العلى حيث انه عازمه فى قصره فقال مرشد انا خويكم ابى اشوف الشيخ راكان واتعرف عليه حيث انه لكم وله مكانه كبيره عندى ولما راحوا وسلموا عليه اعجب فيه الشاعر مرشد البذال وقال هذه القصيده :

اليوم انا مريت لى ربع عجمان = مستانسين وبالخبر مستهمين
ربع لنا بالعون ماهم بقشران = وافين فى كل المعانى وذربين
قلت الخبر قالوا نبى الشيخ راكان= اميرنا وابن الفهود المسمين
مشيت معهم مستهم وعجلان = حق على زيارتى لابن حثلين
لقيت لى رجل من العقل مليان = رجل من فهود الرجال الذكيين
الرجل يأهل المعرفه قلب ولسان = وبشارة تبقى على العسر واللين
وان كان فى راكان طابن الاظنان = ما هو كثير مسنع بين جدين
هذى زيارة خير يا نسل ضيدان = اقولها مسرور من خاطر زين
اقولها ماهوب زور وبهتان = الرجل له عند اهل العرف تثمين
امير يام مهدية كل شيطان = زينيين للصاحب وللقوم شينيين
من فضل ربى كل ابونا بميزان = الله يثبتنا على الحق والدين
فى فضل ابو سالم هلا يا قهيدان = اللى حمانا من جميع الشياطين
فى نعمة عشنا شباب وشيبان = نشدى لزرع ناعم فى بساتين
من قال له قول على غير وكدان = يفشل الى منه حكى فى الدواوين
وانا حكيت الحق والحق وجدان = الشاهد الله والمخاليق دارين

وسلامتكم ،،،،،،،،،،،،

[راكان اليامي]

ارررررررررررحب يالشامري

وش حالك

صح الله لسانك ولسانه

اخيك

[الخويطري]

مرحباااااا ومسهـــــــلألألألألأ والله اني صادق يالشامري



مشاركه ولأ اروع

وقصيده جزله من رمز من رموز الشعر , وراكان بن حلثين امير الصرار الله يرحمه نادر بين الرياجيل والشيوخ.


واسمحلي يالغلألألألألأ بتثبيت القصيده لمده معينه , وايضا اسمحلي لأني قمت بتنسيقها.



وتقبل تحيااااتي



الخويطري

[الشامرى]

الاخوان راكان والخويطرى ،،،،،،،
مشكورين على المرور والاطراء ولاهى غريبه منكم
ولاهنت يا الخويطرى على تنسيق القصيده وكيف ما اسمح لك بذلك وانت تجمل مشاركتى قدام الناس
اما تثبيتها فيا ليت تثبت لانها شهاده نعتز فيها من شاعر كبير فى العجمان ورمزها بن حثلين
ومشكورين على شعوركم الطيب نحوى ودمتم ،،،،،،،،،،،

[الجـــــــــادل]

لاهنت وصح لساان مرشد

[الشامرى]

الجادل شكرا على المرور

[بنت راكــــان]

قصيده اكثرر من رائعه

تسلم يمناك ولاعدمناك على هالمشاركه

[ابوسعدون]

يااخوان انا من بعض العرب ولست من العجمان

والله ثم والله ... مالقيت أكرم وارجل واشجع من قبيلة العجمان ... اهل فزعه بالحيل واهل نخوة ... وماينسون صاحبهم ولايخلونه ولايملونه ويشرونه بالطيب

تربيت وياهم يااخوان وتعلمت المراجل بالكويت معاهم ولكن بالمختصر المفيد

ياطيب الرجاجيل طيباه ... عزة الله ماكذبت يابن بذال وعسى الله يرحمك

يستاهلون الطيب العجمان ولاقصور بالقبايل الثانيه

[الشامرى]

الاخ العزيز ابو سعدون،،،
اولا ماعليك زود انت والقبيله اللى انت منها
ثانيا الله يحييك فى منتداك وضيف عزيز يشرفنا تواجده معنا
ولاهنت على الكلام الطيب
ولك خالص التقدير والاحترام ،،،،،،،،،،،

[قاصد خير]

صح السانك وبيض الله وجهك ووجه ابوك