بسم الله الرحمن الرحيم
قصه وقصيده عن كرم شمر بالجنوب
اخواني المشرفين اخوني الاعضاء الضيوف الكرام :
السلام عليكم ورحمة الله وبركاته
انا ساطرح موضوع في كرم شمر في الجنوب والذي اريد ان يحوز على رضى
الله ثم رضاكم وهذه القصه والقصيده بالاحرى هي مفخره لشمر كلها ونشكر
سفرائنا عند الاجناب الذين رفعو سمعة شمر وجددوها وانصح الاخوان الذين
يعمولون خارج الحدود ان يتحلو بالاخلاق الفاضله.
وساطرح الموضوع عن الشيخ او الامير\مشل بن سالم بن طواله الاسلمي الشمري امير
الفوج التاسع والثلاثون بنجران رعاه الله. وهو الوحيد الموجود بالجنوب له سمعه عند
اهل الجنوب كلها واهل الشمال ربعه شمر والي محادينها من القبائل المجاوره
والبعيده ودون قصور بالجميع وكل شمر طيبين وهذه القصيده من واحد يامي
وقصيد الاجناب احسن لانه من اجناب اما من نفس القبيله ماهي مثل الي من
براء الي من براء اطعم لان كل واحد بيمدح ابن عمه وهذه القصه كالتالي:
هذه القصيده سمعتها بعرس الشيخ محمد نجل الشيخ مشل من الشاعر
عبد الله بن حفول السعد اليامي فاعجبتني القصيده فوددة اعرف مناسبتها
فسالة حتى وصلت للذي اريده .كان الشاعر عبد الله اليامي قد مر ببيت
الشيخ مشل وراى الرجال والباب المشرع والطيب الي كل اهل الحي من
الطيب يتعطرون فدفعه فضوله فدخل ليرى وش هال البيت ولما دخل وجد
الترحيب ويالله حيه كالعاد وهذا ليس بغريب على الشيخ مشل وقهوه وطيبوه
ووجد العلوم الغانمه وقال على اثرهذا قصيده جميله جدا والامير مشل
يستحقاها واكثر من ذالك وقال الشاعر عبد الله بن حفول اليامي :
في غفلة الحساد ناديـت انـا القـاف=لبى الندا في صرخة احساس محـزون
قلت احتضر عذب المعاني ولاهـداف=وانص الشيوخ الي على العز يطـرون
تنصا هل الطولات زبن اللـذي خـاف=روس الرجـال معقلـة كـل مجنـون
ملفـاك شيـخ للمواجيـب عــراف=ابيـه واجـداده وربـعـه يشيـخـون
امير من عهـد الخلايـف والاسـلاف=سـاس الامـاره والمخاليـق يـدرون
مشل سديـد الـراي شهـم ومضيـاف=كريـم سبـلا يمـه الركـب ينصـون
ابـو محمـد نايـف وابـن نــواف=ابن طواله شبـه قصـر لـه حصـون
قصر الذرى بسمان الايـام وعجـاف=وملجا لمن هم جاير الحمـل يشكـون
حلال عقده مـن هواجيسـه اضعـاف=ويروح مـن عنـده سعيـد وممنـون
كم جاه شاكي حاجـة بيـن الاكتـاف=يفـداه منهـم لـو قضوهـا يممنـون
المدح يا ساس العوايـد لـه اصنـاف=انتم بها عـن سايـر النـاس تـدرون
والمال دون المـدج والـروح تنعـاف=بعد الرضامن خالـق النفـس والكـون
ذا طبعنا يـا ميـر والطبـع ينشـاف=عن يام اترجم صـورة لـك يحملـون
صورة وفاء والصمت عن وصفها طاف=وفيك المشاعـر بحيـث كـل مكنـون
فالعذرياصقـر بـدا راس مـشـراف=يا فخر قاف جالك وافـي ومـوزون
متمكـن راعـيـه مـابـه تـكـلاف=وقول على فعل لـه النـاس يصغـون
ماقالهـا عنيـام جـاهـل وخــواف=بـل قالهـا اللـي لابتـه مايهـابـون
قبيلتـه ممـن لهـم سلـم واعــراف=من سعد ابن غـوث بزيـاد يعـودون
من يام ابن يصبا مصليـن الاطـراف=لما احتمـى حـوض المنايـا يعلـون
عرفت للقـاري ومـن يسمـع القـاف=حتى يكون الهرج واضـح ومصيـون
حق المعرفه واجـب فيـه الانصـاف=وهذا مـن ابسـط واجـب تستحقـون
يامير عجز القاف لو ضفـت ينضـاف=وعن فعلكم ابيـات شعـري يعجـزون
لو الكـرم حـي ول راس واطـراف=ابـن طوالـه للكـرم راس وعـيـون
وان كان جم دونـه الجـرف هيـاف=يـارد مشـل ويعـل قـدام يــردون
وان كان صيد سكتـه شوكهـا حـاف=شروا مشل يرقى على الصيد بالهـون
ولو الوفا سد عجز عنـه مـن طـاف=فالسل مشل ولابتـه جسـر وركـون
ولوكانهو شقرا عصـت كـل عسـاف=في قبضته عوص الاصايـل يطيعـون
والصدق لو يشهر علي قولـه رهـاف=عـادات مثلـه للعوايـد يصـونـون
مهما وصفت وقلت يبقى لك اوصـاف=كـل المجـالات الرفيعـه تـروردون
الباب من طيبـك مشـرع بـالارداف=والمجلـس اللـي ماضيوفـه يملـون
مجلس شرف يلقى به البـارد لحـاف=ويلقى بـه الطرقـي رجـال يهلـون
والعود الازرق من على الحي طـواف=عطر بيـوت الحـي والـي يمـرون
هيف السمين وينثنـي عنـد الانكـاف=عز الصديق وللعـدى سـم وطعـون
لـه لابـه حربـهـا ذاق الاتــلاف=شمر علـى روس المنـاوي يدوسـون
ضرب العدا ماردهـم عنـه اسـراف=فيمامضـى واليـوم بالحـق يمشـون
لـو يجتمـع شعـري ملاييـن والاف=ياصـف غلاكـم عندنـا مايكـفـون
فـي ظـل دولتنـا وليـف وميـلاف=احباب واصحاب على الحق يمضـون
حكامنـا ال سعـود روح بلجـنـاف=حامين شـرع الله فريضـه ومسنـون
دتمو لنا مـا حولونـا شـر وخـلاف=ودامو لنـا فالحـظ عالـي ومصيـون
وصلات ربي عد من حج ثـم طـاف=على النبي المختـار ياللـي تصلـون
منقووووووووول
03-11-2004, 05:10 AM
العرض العادي
