أنا سمحت ومملكة الأحـلام ماتعطـي ضمـان/ لـ فالح بن قشعم

[قبلة العذارى]

سلامي على من اتبع الهدى



واسعد الله اوقاتكم بكل خير



للتواصل معكم ، رائعه للمبدع فالح بن قشعم عسى ان تحوز على رضى ذائقتكم

تشبعّت نفسي مـن الصكّـات ،، والوقـت امتحـان=والحمـد للّـي بأمـره المسلـم يظـلّ ويهتـدي
ياكثر ماني بأتعـزز ،، واجحـد اطعـون الزمـان=اللي بعضها ينقض جروحـي ،، ويحداهـا حـدي
ماالله خلقنـي للظنـون اللـي مسامرهـا هـوان=بأموت ياخـدي ماعنزتـك علـى راحـة يـدي
لو كان حزني في زوايا القلب ماخـذ لـه مكـان=والدمـع يحرمنـي ملـذّة مايـحـل لمـرقـدي
لا بارك الله فالهبـوب اللـي تغانمنـي عشـان:=أبيح شيٍ لو عرضتـه للعـرب طـاح أجهـدي!!
لكن هبيّ دام راسي له مـع أهـل الشـان شـان=أعصير تـوّه منتهـي ! ،، والليـل تـوّه مبتـدي
أبكرب أحزامي ،، وأعصب الراس ،، وأعن الحصـان=وبهد ليلٍ شـرّد أطعونـه علـى البيـد أتعـدي
أنا سمحت!! ،، ومملكة الأحـلام ماتعطـي ضمـان=لاصار شفي سرمـدي ،، والحلـم ليـلٍ سرمـدي
وشلون أصدق فلسفة الأحلام وأعطيهـا الأمـان=والوقت بالصوت إيحدي وأنا على الصوت أحدي
غنى: (يمـوت المـرءُ فـي عـزٍ ولا ذلُ يُهـان)=وغنيت: (له حسبي علـى الأيـام والحـظ الـردي!!)
أنا بشر وأحس ،، وأحساسـي شعـوره شـي ثـان=وأحب ،، وأكره ،، وأبـذل ليومـي ،، ولا أهتـم لغـدي
وأعشق هوى الغربي ،، وذبّ الصوت في علوّ البيان=والذود ،، والمربـاع ،، والمرقـاب ،، والسيـر أوحـدي
وأهيم فالروض الخضر ،، والماء ،، والعـود الليـان=وأرسم طموحي ،، وأبني أمالي على سطـح الجـدي
شاعر ،، وتفسير الخيال أمـر مـن مـسّ البطـان=وأخـاف يجرفنـي شعـورٍ مايفسّـر ،، وأغـدي!َ
ياصاحبي لاعاد تقصاني ،، ترى اللي كـان كـان=لاتجرح اشعوري ،، وانا من جور الأيـام أمحـدي
بذلت مجهودي ،، وبار الحظ فـي جهـدي وخـان!!=ولا كل من يجهد يصيب ،، ولا على المجهـد فـدي
هانت ،، وأنا مانـي بلـوم النفـس لافـات الأوان=أمّا وصلت لمقصدي ،، لابدّ ما أوصل مقصـدي
والا انت يغلبك الشعور ورقّة أحسـاس الحنـان=وأقصى طموحك وردةٍ حمراء ،، وتي شيرت ،، وبدي
غاوي ،، وتلعبّك هبـوب النـود لعـب الخيـزران=وأمنين ماهبّ الهـوى ميلّـت يالغصـن النـدي

وبس


سلامو عليكم