قصيده رائعه من نووووووووع اخر...............

[روحي بدونك يتيمه]

هذه قصيده وجدتها في احد المنتديات واحببت ان انقلها لكم وهي من نووووووووووووووووع اخر



ارجو التمعن بها عند قرائتها

يالله ياللـي كـل خلـقـه تـرجـاه=ياربنـا إللـي عالـم(ن) بالسريـره
تفرج لمـن سـود الليالـي تحـداه=هـدت موازينـه وعاقـت مسيـره
يامل قلب(ن) راده الحـظ وآخطـاه=تعزبـه همـه وعـشـاه طـيـره
عزي لمـن حظـه نصـاه وتعـداه=يزعج أرغاه اليوم وأهمـل هديـره
الوقت شان وحامـل الهـم بخبـاه=وانا احسب إن الوقت ضافيه خيـره
ولي ونة(ن) من سمعها قال عـزاه=كني صويب مـادرى وش مصيـره
محد(ن) درى باللي حصل له وماجاه=مـن قلـة الحيلـه يدينـه قصيـره
وياعين هلي مابقابـش مـن أدنـاه=من عقب ماجبتي الدمـوع الغزيـره
البارحه حظـي لفـى زيـن مبنـاه=واليوم كن حظي أرجيلـه كسيـره
الوقت يطلبني علـى غيـر مبغـاه=ويحدنـي مـن لاهبـه فالسعـيـره
يالابتي ويـن السعـد ويـن مفـلاه=عز الله إن الوقـت جـر الجريـره
حسبي على اللي للغرابيـل مسقـاه=جمّه غزيـر ودلـوه إعتـاد بيـره
إللي على شذب العراقيـب مسعـاه=جل الرمك مثل الرحـا المستديـره
جعله فدى إللـي للمناعيـر ملفـااه=فكـاك نشبـات الليالـي العسيـره
لا والله الا وقتنـا شــان مـبـداه=واقفت ركاب اهل الوجيه السفيـره
من عقب مانقلط على فطحة الشـاه=ونزبـن المجـرم الياقبـل نـذيـره
الوقت مكن بـي صوابـه وخـلاه=بين الضلوووع العوج تسمع زفيـره
من لارقا بالعـز راسـه ولا ادمـاه=ويجوب مثل الذيب في كـل ديـره
خله مـع تـرف الغناديـر مربـاه=مالـه مكـان(ن) بينـا فالجـزيـره
ومن لاظهر صيته وهو باول صبـاه=من ساق ركبه ماشرب من غديـره
هـذاك ودك يذبحـه راس شلـفـاه=ولاعاد يطريله مـع النـاس سيـره

للشاعر المبدع


حمود بن فطيس