هذي القصيده قالها الشاعر / طلال السعيد
والتي كانت في الامسيه الي كانت في مسرح الشاميه
وهو يتحدث عن حال الكويت و الوضع الي حاصل فيها
وقد اثارت ضجة حيث طلبت قبيلة مطير منه الإعتذار خلال عشرة أيام
و لم يعتذر... بسبب الأبيات التي تتحدث عن المستشار
وأنهم تم تجنيسهم بعد معركة الجهراء....
المستشار الله يطيح حظه=من يوم دش البيت هز اركانه
حط الحواجز بين اهل الديره=الله يلعن خاله وعمانه
سياسته تفرق تسد معروفه=غير الدجل والكذب فيه خيانه
لاخير فيه ولايخاف من الله=قلبه غشيش وضحكته بلسانه
ملعون من ساسه حتى راسه=معه سنين ولا صفى وجدانه
عطوه جنسيه وصار كويتى=وبالقصر الاحمر ذبحوا جدانه
الله اكبر صار مثله مثلي =حسبها صح وحسبتى خسرانه
نتمنى من لديه معلومات صحيحة افادتنا بدل القيل و القال
لأن القصيدة اثارت ضجة و بدأ شعراء قبيلة مطير بالرد عليه
وبانتظار الحقيقة
يقول طلال :
قال ولدي ليش البلد خربانه =والناس ليش وجيهها زعلانه
تقرا الالم بعيون كل مواطن=حتى الاماني غصونها ذبلانه
تشعر بان الناس مو مرتاحه=ناس تسوي نفوسها فرحانه
رغم ان ديرتنا بخير ونعمه=والمركزي خزاينه عمرانه
وبترولنا سعره تعدى حده=عدى على السبعين فوق الخانه
والعجز راح ولا بقاله باقي=ورغم الوفر كل البشر طفرانه
تشوف بعض الناس تبجي جابر=وسنين حكمه وحكمته وايمانه
والبعض الاخر عايش بالماضي=يبجي على الماضى بكل الوانه
من عاش بالماضي نسي المستقبل=كنه يصلي الفرض قبل اذانه
الكل وقت دولته ورجاله=والكل عاهد فرحته واحزانه
بس الوطن وحده اللى باقي=الحق واضح مايبي تبيانه
يللى تعيين الناس ساعد نفسك=احفظ وطنك اللى عزيز شانه
اقولها صادق من اقصي قلبي=ماهي سوالف دان دانى دانه
حافظ على تراب الوطن بعيونك=وخل المواطن يرتمى باحضانه
خله يحس ان البلاد بلاده=وهمها كرامته من صانه
ياناس ملينا نصيح وننخا=شفنا المرض وقلوبنا مرضانه
قمنا نشوف اوضاع ماتعجبنا=بوق البلد والذمه العطلانه
العسكري يحرم من الجنسيه=اللى على كفه يشيل اكفانه
حامل سلاحه يسحقون سباته =وتجنس الفنان والفنانه
والاسوي واللى بعد متعاون=والبهلوان وشلة الزفانه
جن البلد خاليه من اهل الشيمه=صفت على الطبال مع طيرانه
حنا بلانا قوم كله واحد=ريال لو هو ماسوي نصانا
ريال لو هو مايدل الجبله=ريال لو قلبه بدون قيانه
ريال بس بغترته وعقاله =ومن كثرة القالات عزمه خانه
والاجنبي الملعون نافش ريشه=وراعي البلد متنتفه جنحانه
ناس تنام بغص حظن موافي=وناس تنام ظهورها بردانه
واحد تشوفه صاحي ومتعافي=واحد طوي جوفه طوى مصرانه
شخص يجي مرتاح ناسي همه=وشخص يتلبد خايف الديانه
ناس حدر خط الفقر مدفونه=وناس على حد الطغى بطرانه
تدرون وشخرب نظم ديرتنا=حتى تكافلنا هدم بنيانا
المستشار الله يطيح حظه=من يوم دش البيت هز اركانه
حط الحواجز بين اهل الديره=الله يلعن خاله وعمانه
سياسته فرق تسد معروفه=غير الدجل والكذب فيه خيانه
لاخير فيه ولايخاف من الله=قلبه غشيش وضحكته بلسانه
ملعون من ساسه حتى راسه=معه سنين ولا صفى وجدانه
عطوه جنسيه وصار كويتى=وبالقصر الاحمر ذبحوا جدانه
الله اكبر صار مثله مثلي =حسبها صح وحسبتى خسرانه
دش السباق ونافس اهل الديره=غصب على الزعلان فاتح بانه
لاتحسب الشعب ساكت راضي=يجيه يوم وينفجر بركانه
يجيه يوم وينتفض=ويبادر مثل السجين اللى سجن سجانه
الوضع سيئ صار من اسوء لسوء=وضع الخطا والتجربه برهانه
صرنا بوادي والحكومه بوادي=ومافيه محسن يغمرك باحسانه
يعنى تشوف اللى يشيب راسك=كيف الوطن مايلتفت للسانه
منهو لقى مسؤول فاتح بابه=منهو لقى مسؤول في ديوانه
لاشيخ لا مسؤول يسمع صوتك=كلن عن الشكوي يسد اذانه
ومنهو كتب مكتوب وحصل حقه=ماجه رده لو كتب عنوانه
المرجله والبخل ماتتوالم=مافيه بخيل المرجله ميدانه
البخل هو ساس الردى واسبابه=والرجل عينه والعقل ميزانه
والصقر ماعمره كلى من الجيفه=والذيب ماياكل لحم ذرعانه
والعود الاصلي لا بغيت تعرفه=عند احتراقه يعجبك دخانه
اللى يبينا نقدرنا ونهابه=لازم يحسسنا بانه اخوانه
واللى يبينا نرغبه ونعزه=مايجاهد التاجر على دكانه
واللى يبينا نسمعه ونطيعه=يخاف فينا الله قدر امكانه
واللى يبي منا نقبل خشمه=لايوقف الحارس على بيبانه
مايستوي منصب قوي وتجاره=من صادها صارت عشا ورعانه
من حاش منصب جاك شايف حاله=يمشي جما الطاوس جر لسانه
لاجيت تطلب من جنابه موعد=والا طلبته حق جن جنانه
لازم يدور الحول وانت تراجع=والناس غيرك كلها قرفانه
بين السكرتيره ومدير المكتب=مابين هالتعبان والتعبانه
الكل منهم دايم متجهم=مايبتسم اللا لطبيب اسنانه
ويعتقد انه ملك هالكرسي=والا بعد ماخذ عليه ارهانه
كم في بلدنا من وزير سابق=لو مانسوه اتعمدوا نسيانه
كل يقول ابعد وريح بالك=لاتنصحه وتصير من عدوانه
لاصار رزق البر خيره واجد=انت شتبي بالبحر مع حيتانه
بقولها وماهاب برفع صوتي=شي بقلب جايد كتمانه
واللى بيزعل ياعسى مايرضي=ماهمنى الحمقان والحمقانه
ولا همنى من يرسل ويتوعد=لا حضر شياطين حضر شيطانه
وشبيحصل ازود من اللى حاصل=ازود من التهديد بالزنزانه
العز للرجال رفعة راسه=ومن ذل ذل وزوده بنقصانه
لامستحى والله ولانى خايف =كل على حقه طويل السانه
لابد يشهد مسرح الشاميه=للى وقف له وقفة مليانه
ماهو بنى اللى لاحجى يتلفت=يخاف حتى قرصة الذبانه
من قال ديرتنا تشكى منه=بيت الشعر مايشتكى عمدانه
07-08-2007, 11:32 AM
العرض الشجري