السلام عليكم ورحمة الله وبركاته
قرات قصيده وايد حلوه
للشاعر الشاب البحريني الصاعد
((محمد الشيخ ))
وقلت لازم انقلها لاخواني واخواتي اعضاء منتدى قبيلة العجمان
والي يقول فيها :
اكيد لوماخنتك اليوم ..بتعيد
نفس الخطا ..دام اني بكل الأحوال
دايم اسامح ..انسى وابدا من جديد
واقبل اكاذيبك ..عن القيل والقال
خايف كلام الناس عن حده يزيد
واصير خايب ..تنضرب فيني الأمثال
لازم اخونك ..الوفا صار ما يفيد
واصدمك فيني واجرحك جرح قتال
لاطيب ينفع معك او حتى تهديد
بايعها حدك ..والحيا للاسف زال
وان كان قيدي طيبتي بكسر القيد
ماعدت متميز ترى بطولة البال
قل عني خاين ..واصفق الايد بالايد
والعن خفوق بالخطا حبني ومال
عيش دور مغلوب الامر كله بتجيد
كسر الخواطر ..منت انسان محتال
بلسانك انطقها ..ترى فراقنا عيد
قول ..انتهينا واحسم الامر في الحال
لو كنت خاين ما تهمني !!زيد
المشكله صار العشق عندك اهبال
نفس السوالف ..حتى نفس المواعيد
نفس المشاعر ..نفس اوقات الاهمال
منت بطبيعي ..انت مليان تعقيد
تحسب قلوب الناس بس لعبه عيال
ماراح انسى فعلك ..بكل تاكيد
باردها مهما الزمن بيننا طال
لازم اخونك والوفا صار ما يفيد
واصدمك فيني واجرحك جرح قتال
لازم اخونك ..يمكن تحس ..ماتعيد
فعلك ..ومن عنده ترى حيله احتال
وسلامتكم 
تحياتي المتواضعه :نــــــــــــــــــــــــــــــــــــــــــــــــ ـ البحرين ـــــــــــــــــــــــــــــــــــــــور
10-07-2007, 03:56 PM
العرض الشجري