البارحـه ليلـي سـرى بالتناهـيـت

[مــقــبــل]

الســـلام عليكم

اضع بين ايديكم هذه القصيده وعسى ان تنول على رضـــاكم لـــــ شاعر محمد بن على بن فطيس

البارحـه ليلـي سـرى بالتناهـيـت=ابغـى اتصبـر غيـر مانـي بغـادي


عقـب القعـوده لا بحـيٍ ولا ميـت=مـن عقبهـا كنـي خلـي الـفـوادي


طويلـة النسنـوس مـا مثلهـا ريـت=والى مشـت كنهـا تخايـل جـرادي


الى طرت لـي تالـي الليـل ونيـت=ونت طريـحٍ فـي نحـور العـوادي


العـذر يـا ذودي ترانـي تـرديـت=كـود علـى لا قمـت والا القعـادي


البـل تبغـي فالرجايجيـل عفـريـت=يقـوم قبـل النـور يجلـي السـوداي


مهـوب هـدرٍ دايـم الـدوم فالبيـت=واول نـهـاره قــزره بالـرقـادي


شرفت في روس الطويلات وانحيـت=وهدفـت هـداف النخيـل العـيـادي


والشوف لا شافوه من شوفه ازريـت=وسيري كما سيـر الجمـل بالقيـادي


والـى بغيـت اشـوم ماعـاد دليـت=عندي سوىٍ الرجـم هـو والحمـادي


امـن اول بجـت المضامـي ودليـت=جيبات مع طـرز الفـروت الجـدادي


ادلهـا وان غطلـس النجـم سـديـت=كني علـى المشبـك دعانـي منـادي


واصبحت فالوديان (عربـه وقتبيـت )=جينـا ديـار الخـوف واديٍ بـوادي


وصدنا الوضيحي عند (مقشن وبشعيت)=تجاولـت فيهـا البيـاض وســوادي


الله يزولـك يالكبـر ويـش سـويـت=خليتنـي كنـي مريـض الـوسـادي


راح الصبى والخاتمـه قولـتٍ ليـت=والميت ما يسمـع لصـوت المنـادي