,,وش يبــــعد الـــــهم يـــاللي نــــاشــد عنــه ..؟,,

[وردة العجمـان]

مســـــــاء الخيـــــــــر,,

وش يبعد الهم ياللي ناشد(ن) عنه=عز الله اني عجزت انطقه بلساني

ياما تقهويت من هيله ومن بنّه= لو قلت له بس قال: اشرب وقهواني !

ياجر قلبي ليا من جروا الشنه=أحس معلوق قلبي جر الألحاني

الرجل قد المواقف يوم يا تنه=مير الرفيق إن تنكر موقف(ن) ثاني

إليا هقا في رجال وخيبوا ظنه=كنه يطعن بحد السيف شاماني

ابوي يطري كلامه ياملا الجنه= تمشي نصيحته في دمي ..وشرياني


يقول حقي عليك ان ضيقك تكنه= انت اتحمله لو ما كنت غلطاني

كم واحد(ن) في مصابك يبتسم سنه= ولا أبيه يشمت فيك أية انساني

الجرح لابد ما الأيام يبرنه=لابد خيط الجريمة يعلن الجاني

والحرب أنا لا نويت أعلنه وأشنه= ما يعرف بنيتي لو اقرب خواني

والطيب لا من فعلته ما بها منّه = درب(ن) نحدر معه من دور جداني

وإليا تردى يصير بنظرتي كنّه= ميت واهو حي جعل الله لا يبلاني !

وإلا رفيجي ليا من جر له ونّه= كنّه يحرّم عليّه نوم الأعياني


الرجل قد المصاعب ما يهدنّه= الحمل يثني له الركبة بليهاني

قال المثل: عيب من بعد العزم كنه= وعيب(ن) على اللي تخفى عقب ما باني

النور يبقى وايدينك ما يخفنّه= والطيب متعدد(ن) وأشكال وألواني

وحظيظ من تم شرع الله والسنة= وما هو على مغريات الوقت شفقاني


يالله لا تحرم الطيب من الجنة= وفي ذلة النفس ياربي لا تبلاني

الشـــاعر/ عبد الكريم الجباري الشمري