السلام عليكم ورحمة الله وبركاته
قصيدة للشاعر الشاب /
ماجد بن مهنا
(هارد لك) يا خافقي والله يعين = مالك الا الصبر لا هب الهبوب
أعتبر نفسك مواطن في جنين = واحمد الله نوب واستغفره نوب
والبنات اللي خذوا فكر البنين = من سبايبهم كسا وجهي شحوب
خص بنتٍ تستفز العالمين = الحسن لبّس عليها لبس ثوب
عانها جاتك بطوق الياسمين = وارحبي لبيه يا اعذب اسلوب
يا كوكائيني يا حقنات الحنين = أدمنت حبك لين ضيعت الدروب
يا نبض خفاقي وذات الأكسجين = أو يوم ميلادي وتاريخ الشعوب
يا حاكمة حبي على مر السنين = يا شمال العشق يا أقصى الجنوب
يا حماقاتي يا تفكيري اللعين = أو بيض نياتي ويا طهر القلوب
يا طموح العالم المستشرقين = يا اكتشافاتي وأنا مالي ذنوب
يا مقاله صاغها (طه حسين) = يا اصدق امن الصدق يا اكذب كذوب
يا موسيقى (بيتهوفن) تلعبين = بْمسمعي وأعلن لعينيك الهروب
يا جوهرة ممنوع لا للمشترين = يا عطر ماقد عرض في (بودي شوب)
يا خلاصة حزن في خاطر حزين = يا اغلا أعدائي ويا احلا مْحبوب
يا تناقض فطحل المتفلسفين = يا قناعة ضامي ابْماء الشروب
يا جراءة أكبر المستجرئين = يا حياويه مثل شمس الغروب
يا المركز الأول بصف العاشقين = يا انصهار الخافق اللي ما يذوب
يا اثمن من اكبار الغنايم في حنين = من عقب طحن المشاعر والحروب
لا أنا (أستيفن) ولا أنتي (ماجدولين) = ولا روايه في بدايتها يا دووب
يا عيوني تطلبين وتاخذين = مثلك عذاريبه بأن ماله عيوب
بقولّك يا فاتنه .. أتسمعين ؟ = يوم جتني نضرتك من كل صوب !
أوّجه نصيحه .. قلتها للعاشقين = من لا عشق مثلك نصيحه له يتوب
وسلامتكم
عقوووووب
.. نصيحه للعاشقين ..
العرض الشجري