والحمول الكايـده حمـل الجمـال=يرغي الحاشي وينقلهـا البعيـر

[جطلي بن فهد]

الصغير صغير في عيون الرجـال=لو لبس له بشت وعقـال كبيـر
المراجل ما هـي بلبـس العقـال=وما يحوز المرجله رجـل حقيـر
اصخر المعنى على بيـوت ثقـال=واسبك الطاروق بالمعنى الخطيـر
مانبي الجاهل يحصل لـه مجـال=وان قراها الفطن ل عقلـه يطيـر
الله اكبـر يـا زمـان الاختـلال=اختلف وضع العرب واصبح مثير
صار مقيـاس الطلاقـه بالريـال=وصار شيخ القوم من ماله كثيـر
واصبح الواقـع يشابـه للخيـال=والزمـن كنـه رحـاة تستديـر
ان بغيت يميـن يرجـع للشمـال=وان بغيت اطلع يحول وسط بيـر
والزمن لو دار مـا هـز الجبـال=ولا ابتلش به غير من عقله صغير
والحمول الكايـده حمـل الجمـال=يرغي الحاشي وينقلهـا البعيـر
قالها اللـي يـوم غنـا بالجـزال=ما ورت العـد بالحبـل القصيـر
ما كتبت الشعر لجـل ازداد مـال=شاعر واسبح على البحر الغزيـر
محدد اهدافي وراسم لـي مجـال=بالثقه ويجرهـا سلـك الحريـر
والصغير صغير في عيون الرجال=لو لبس له بشت وعقـال كبيـر

اتمنى ان تحوووز على رضاكم واستحسانكم


اسم الشاعر


مسفرالقريشي