صليت لي في مسجدٍ ليـل الاثنيـن=وليـا حـدا ديانتـي قـدم عينـي
ودخلت مسرع في صفوف المصلين=خشعت لا يسره ولا انظـر يمينـي
واقصر على صوتي ليا قالو آميـن=من خوف لا يسمع لصوتي يجينـي
وسلمت فالتسليم برماشـة العيـن=فـي ثانيـه خلصّـت تسليمتينـي
وسبحنت باكثر من ثـلاث وثلاثيـن=وجلست حتـى راحـو المسلمينـي
وطلعت وانا عيني يسـار ويميـن=وليـا البليـه واقـفٍ يحتريـنـي
وزرقني بصدري وانا اقول بعديـن=اصبر عليّه ليـن وضعـي يزينـي
وعند المساجد رافعـات المواذيـن=ماهـو بحـق يقـال متهاوشينـي
قال انت باير مير خلّص وهالحيـن=ولا فيـه فكـه قاضبتلـك يدينـي
وضغط وقمت اغيب وافيق في حين=وانا نحيف وهـو جسمـه متينـي
قلت اله تكفى طالبك بـس يوميـن=مطلوب تمهلنـي يبـا الله يعينـي
وجانا الامام وحال بين الخصيميـن=وتليت عمري مـن يدينـه بحينـي
وفريت هارب عن صعوط المجانيـن=متبحلقـه عينـي وتومـي يدينـي
وليا هل الحاره يشوفـون بالعيـن=وتقامـزو مـع ساقتـي مقتفينـي
معي لا رحت يسار اورايـه يميـن=وهو بولهـم غـادن لـه رطينـي
ونجيت وجاني خوف من يوم الاثنين=لاحل ليلـه قلـت يمكـن يجينـي
28-04-2007, 08:58 PM
العرض الشجري