غيبتك لو هي دقيقه تعبر صده=الوقت دونك سجن وغيابك اسياجه
لاتعتذر لى ترى ماعاد فى شده =اعيد حكي الصدر مخراجه
دامه يوصــف بجود ابيك وبجده= وشلون تبخل على المجروح بعلاجه؟
وشلون قاوااك قلبك رده وصده=مع انه بين عليه الضعف والحاجه
ياقوقلبك برد ايمينك ورده=بخلت بمصافحه وارهيت بحراجه
لو ماسقى غيم عينه جر هدي خده=تراه يبكي وقلبه يلحق اخلاجه
ولو شفته يمازحك تراه من جده =الضحك عن درب ضيق الصدر ماعاجه
غير الغلا والوله عليك وش حده؟=يادرب ليله ويامسراه وسراجه
كنه يعرفك قبل يلقاك من مده=مع ان مابينك ومابينه امواجه
هواك بدو نوا للقلب بالشده=ورياض قلبي لشوف البدو محتاجه
والوصل ..بحر متى انت بتسمح ابمده= السيف صبري وبحرك شح بامواجه
قصيدي اللى قريته واللى اعده=قديم لايزعلك معناه واخراجه
وفراغ قلبى غلاك ارهى على سده=ليتك تشوف الغلا وابراجه وعاجه
اقوي رياح العذل ماتقدر تهده =والا الجفا لو تنفس هدم ابراجه
تغانم الوصل لن البعد لابده=ياتيك فى يوم ثم ياخذك بادراجه
اللى لى انك تلين وتترك الشده=واللى لك اني ماسولف بك لهراجه
ولاني بزعلان واللى نرتجي مده=ياباب قلبى وياقفله ومزلاجه
زعله تغلى ومن تزعله من قده=مادام كل يبي دربك ومنهاجه
غالى وتبخل على وتطول الصده=الله يسامح غلاك ويلعن الحاجه
27-04-2007, 07:26 PM
العرض الشجري