السلام عليكم ورحمه الله وبركاته
انقل لكم هذهـ القصيدهـ
للشاعر / سايرابن متعب الشمري
هب الشمال وجابلي عطر الانسام=ريحه دوى قلبٍ به الفين عله
وانعش حياةٍ صايبه هم وهيام=وكل المشاعر صوب حايل يتله
ما اللام والله يا اهل العرف ما اللام=حب الوطن واجب على كل مله
يا دار حاتم طي يا دار الاكرام=ما فيه مثلك بين الاوطان كله
من الجنوب لقاصي الغرب للشام=للشرق الاقصى ما وجدناك للـه
غلاك في دمي وبه خافقي هام=وحبك سكن وسط الضماير محله
والله يا لولا الارض بسطت للاقدام=اني فلا اطا ترابها حشمتله
دار الكرم رفف لها بالسما اعلام=ومنارةٍ من شان ضيفه يدله
تاريخها اللي ما وفت فيه الاقلام=حازت على الامجاد دقه وجله
الطيب مبداها قبل عهد الاسلام=واكرم واشجع بني آدم هلله
اهل الوفا والطيب مع وصل الارحام=لاصحابهم تدمح ثمانين زله
دار الطنايا مروية صنع الاروام=يوم اللقا عاشوا اعداهم بذله
عدو شمر دايم الدوم منظام=يقضي حياته والنكد سقمتله
شمر خيار القوم مع مر الايام=وصلوا مكانٍ ما به احدٍ وصله
شمر هل النخوة مع الحق جزام=ريف الضعيف ولنضهد فزعتله
رديهم كنه على الضد ضرغام=ترهب صناديد العدا صيحتله
والمر يامنه بصنديدهم زام=ليا آمر صم الصفا طاوعله
يرعب مناعير النشاما ليا قام=وترجف مناصيب الدول هيبةٍ له
شمر ليا ذكروا هل الملك حكام=خصص لهم سطر الذهب بالسجله
وشمر بنوا في قمة المجد مرسام=بصروح من فوق الثريا تعله
امجادهم تزداد عامٍ بعد عام=والكون يشهد والبشر مقنيٍ له
ولا اقول في باقي المخاليق مثلام=ولا ازحم عراض الناس خوفاً من الله
منقول
تقبلو تحيااتي
العرض الشجري