تجـارة الأقامات ومخلفاتهـــا

[كويتي]

السلام عليــــــــــــــكم

بصــراحه اليـوم مريــت منطقـة " المهبولـه " غنيه عن التعريـــف
من كثــرت الهنود والبنغاليــه الي يفترون فيها من غير شغل ..

ولفت انتباهي شغله صحيح تحز في الخاطــر اخليكم تشوفونها بصور





علــى ما اظن الصور حيـل واضحه وما تحتاج توضيح

لكــن راح اوضحهـا للــي ما يبيها توضـــح الي هم " تجار الأقامات "

بنقــالي او هندي داخل درام الزبـاله "الله يكرمكم" يدور على كراتين او حديد
او قواطي بيبسي ..

ليــــــــــــــش وشنو السبب راح اقولكم ..

اول شي الاخ التاجر يجيــب العامـــل للكويـــت ويسوي له فيزا على ابو انه
بيشغله في الديره كان سايق ولا طباخ ولا عامل ..

الأخ العامل المسكيـن يبيع الي وراه والي دونه على امل انه يحصل هل فيزا
طبعنــآ المبلغ يختلف من جنسية لي جنسيــة من 650 دينـار الى 2500 دينار ..

الاخ التاجر يدز صورت الفيزا للعامل ويستلم نص المبلغ يطيره طبعآ التاجر على
الكشخه والأقساط ..

الاخ العامل يتسلف ويبيع بيته وارضه والتلفزيون والراديو وفنايله العلاقي وبنطولاناته
وكل شي يملكه على امل انه بيروح الكويت ويصير مالياردير ..
طبعنـا اخونا العامل اهني دبر روحه وشترى التذكره وباقي الفلوس حق التاجر وياه ..

اخونا التاجر يستقبله في المطـار بكل ترحيـب وحب ويروح الصبح ويدق له اقامه سنتين
على حسب فلوس العامل وشوف عاد يمكن يدق ويمكن يعلقه يطلع التاجر ملفه متروس
ما يقدر يجيب عماله بعد بس ماعليه التاجر مضبط نفسه في الشؤن عنده ولد عمه مدير
هنــاك يضبطه ويعطيه المقسوم ..

العامل المسكيـن في هذي الأثناء قاعد يحلم ويفكر من وين راح يبدأ يجمع الثروه الي راح
يدفن فقره فيهــا بعد ما يرد لديرته الحبيبه ..

وفجأه يدخل عليه المعزب "التاجر" ونفسه بطرف خشمه ويقوله " صديق "محمد" وين فلــوس
الي باقــي" ؟؟

يقوم الصديق "محمد" الي هو العامل كل العمال في الكويت ماشاء الله اساميهم " محمد"
المهم يعطيه الباقي من الفلوس ..

يقوم التاجر يدق على واحد صديق بنقالي او هندي يشتغل عنده يجيب له اقامات عشان يجي
ياخذ هل عامل ويصرفه ..وقبل ياخذه يعطي المعزب "التاجر" رقم نقاله حق البنقالي ويقوله
اذى في مشكله سوي تلفون اوكي بابا .. البنقالي جديد مايدري شنو الطبخه بس يهز راسه ..

يجي الصديق وياخذ العامل ويفر مخه عشان يطلع يغسل سياره ولا يجمع قواطي !!!
ينصدم العامل زباله ولا قوطي انا في مشكل كبيـــــــــــــــــــــــــر ؟؟

المهم يستسلم العامل للأمر الواقع ويقعد يجمع قواطي من الزبايل ولا يغسل سياره بابا
ولا انه يبــوق الجواخيــر ولا يبوق البيوت ويصير حرامي .. ليــش كل هذا ؟؟

تدرون لــيش عشان يجمع فلـــوس حق التاجر عشان بعد سنتين اذى انتهت الأقامه
يكون عنده فلوس وجدد له الاقامه من جديد يعني العامل المسكيــن طالع من المولد
بلا حمص على قولة اخوانا المصرين .. اربع سنين يشتغل ما دز حق اهله شي كله في
بطن المعزب ..

وهذي قصـــة العمــال الي تشوفونهم بشوارع

يا جمــــــــــــــــاعه الظاهر صارت خطيــره جدآ كم جريمه راحو منو وراها اطفال
وشباب والسبب هل عماله ؟؟ كم من مشكله صارت والسبب هل عماله ..

انا خبــري انهم وقفو جلب البنغاليـــه داخل الكويت وللاســف اشوف عددهم يزيد

قبــل اسبوع قريت في جريده ان عدد سكان الكويت من مواطنين وجاليات اخره 3,600 ثلاثه مليون
وست مية الف نسمه .. عدد الكويتين بروحهم مليون وميتين ..
يعني عدد العماله 2400000 اثنين مليون واربع مئة نسمه ؟؟؟؟؟؟؟؟؟؟؟؟؟؟؟ اكثر من شعب الكويت

شنو هل مصخــره لهذي الدرجه صارت الفلوس تعمي قلـوب التجار لهذي الدرجه صارت
الكويت مصالح شخصيـــــــــــــــــــــه ؟؟ الكل يبي وبس من غير ما يعرف المشكال الي بتحل
على الجميــع ؟؟

بصــراحه يا جمــاعه انا اشوف ان هل عماله مهما سوو في الديره ما يلامون
يبي ياكل يبي يعيش جاي من ديرته عشان يشتغل في الزباله ويغسل سيارات

ما عمر الكويـــت راح تتقدم مدام كل شخص ينظر لمصلحته الشخصيـــــــــــــه

وأسف على الأطاله

كويتــــــــــــــي