بنـت صوغــآن / إبـن فطيـس في شاعر المليـون /

[محمد بن سعود]

مـدري أحد سبقني وحطهـا ولا

والعذر ان كان فيها أخطـآء

في شاعر المليـون للشعـر مضمـار= والسابقه في الشوط تظهـر بيدهـا

ومضمريـن بكـار الافكـار شـعّـار =وكل ٍ يحضر بكرتـه فـي وعدهـا

والـي تـردت لا يـدور لهـا اعـذار =معـذورة ٍ مـا دام قـد ذا جهدهـا

واللي تعوص وتضرب الحاجـز يسـار =تشـل فـي الدنـه وترجـع بلدهـا

وانا محضر بنـت صوغـان الافكـار= من حبهـا عنـدي تفحـم وحدهـا

ان جارها الله من صواديـف الاقـدار =جاتك وجـاك الجيـش كلـه بعدهـا

الله عليهـا مـن مقـاريـد الانـظـار =وصلت تحسك مـا غشاهـا زبدهـا

وتلقفوهـا بالعلـم رمــز وشـعـار =وصفق لها منهـو بعينـه شهدهـا

ومرو بها تـو المنصـه كمـا الطـار =يالي تزعفرها مـن الطـاس زدهـا

شبهت بالهجـن الاصيـلات الاشعـار =وقصيدتـي تـراث اهلنـا مـددهـا

أعتز بـه واقـف لـه جـلال وكبـار =واحة شرف يا سعد منهـو وردهـا

أغلا ابلنا في ماجب الضيـف والجـار =يحلـب لبنهـا قبـل يذبـح ولدهـا

وتراثنـا مـن دونـه نبيـع الاعمـار =وبفعالنـا روس المعالـي صعـدهـا

واليوم ضاق الجو مـن كثـر الاقمـار =تبـث حقـد الـي لحقـده رصدهـا

غزى الشعر قبل امس غازين الافكـار =قوم ٍ على الساحـة دفعهـا حسدهـا

تلقفوها ثم جـاوا مـن كـل الاقطـار =هـذا يصبحهـا والاخـر هجـدهـا

هـذا يحـرف بـالأدب سـر وجهـار =وهذاك يذبـح موهبـه فـي مهدهـا

واقفوا على ابل الشعر في وقت الاسحار =غاروا على الساحة وعروا جسدهـا

وصاحت بعد ما شافت ان سترها طـار =و وقف ولد زايـد محمـد سعدهـا

قال ابشـري بالستـر وبـردة الثـار =واضفا عليها سترهـا مـا نشدهـا

واستـل سيـف ٍ فالمواجيـب بـتـار =واطلب ورد البل علـى مـن فقدهـا

على خطـى زايـد خطاويـه مـا بـار =والحاجه الـي فـي خيالـه وجدهـا

اغنى العرب من شوف اكاديمي ستـار =و من شوف امر من السخافات وادها

شفت الشعر بستـان وابوابـه ازهـار =وقطفت ما يسقي مشاعـر شهدهـا

قطفتهـا مـن ديـرة ٍ تنبـت احـرار =من دار ابو مشعـل ذراي وسندهـا