ابن الذيب ملك الشعراء وهذا ولي عهده (وسجلوها علي)

[المارد الشعري]

0

الداهيه القادم

0
وكيل الجزاله



والله شاعر ياسالم جخير








قصيدتين لوكيل الجزاله
سالم جخير



البارحه غنّيت يـوم الفكـر شـاش =وأسرجت قيفان البيـوت الجزيلـه
مانيب أجيب ابيات شعرى على ماش =شاعر ولا اجيب البيـوت الهزيلـه
يا نفس شومى واعتلى فوق مبداش =ومبداش روس النايفـات الطويلـه
احداش عن درب المقفين واحـداش =عن غلطة الجاهل وعن كـل ميلـه
جعل الردى يفداش واللاش يفـداش =واهل الحكى واهل النفوس الثقيلـه
يا غلطة الجهّال وشلـون ننسـاش =شلـون ننسـى بيـن ليلـه وليلـه
المسأله ماهيـب تصويـر وافـلاش =المسألـه غايـه وليسـت وسيلـه
يا شلّة الجهّال مـا عـاد منهـاش =لا وصلت الدعـوا لـراس الفتيلـه
يا خيّلا البل طشت والراس لا طاش =ماهوب راكد ليـن يشفـى غليلـه
حنّا هل الوقفه من الطـاش للطـاش =ناقـف الـى بـار العميـل بعميلـه
حنّا عذاب القوم مسـرى ومغبـاش =اهل القنا واهل السيـوف الصقيلـه
علومنا ماهيب فـى راس قـرواش =وماهيب فى راس الخبـل والحليلـه
إلى نوينـا الشـى ينّـاش ينّـاش =ناتى علـى قـبّ المهـار الاصيلـه
تاريخنا ماهوب فى طاش ما طـاش =تاريخنـا يمطـر سـوات المخيلـه
ما عندنـا هافـى ولا عندنـا لاش =يكـرم نبانـا عـن دروب الرذيلـه
والمهره اللى عرشها داخل الجـاش =ما مثلهـا فـى ناقضـات الجديلـه
حنّا لهـا بافعالنـا ستـر وفـراش =حن سترها من دون برقـع وشيلـه
حنّا لها محـزم ومدفـع ورشـاش =من الجنـوب اليـن حـد المسيلـه
يا خلطة العنبر بعـد مـا كشفنـاش =مع الهـوى رحتـى بليّـا حصيلـه
تسدّحى واللـى تسـدح بطريـاش =اقصى علومـه بيـن قالـه وقيلـه
مثل القصب لو يجتمع داخل فـراش =يذوب لا من المطـر سـال سيلـه
هذا كلامى وافهمـوا زبدتـه كـاش =والهرج دايـم زبدتـه فـى قليلـه
امّا يعيش الراس بالعـز لا عـاش =وإلاّ ممـات الـعـز دون القبيـلـه




***************************

القصيده الثانيه

يقول من يهوى ركوب المسرجـات= لاجيب طـاري للسيـوف وسلّهـا
ياسامعـي والاولـه مـن الاولات= تنبيك عن باقـي علومـي كلهـا
ترى حلاة الشـي لاجالـه طـرات =واللي تجي في حلهـا فـي حلهـا
شبّـه وبـرّاد وثـلاث مهـيّـلات =هاذيـك اركدهـا وذيـك ازلـهـا
فلة حجاج وطيب راس وطيـب ذات= ياقلهـا فــي وقتـنـا ياقلـهـا
في ذمتي ذمـه كـأن المفـردات =تصيح باسمي يابن عـارج سِلّهـا
والله لعديهـا حــدود النايـفـات =مادمت اميّـز دقهـا مـن جلهـا
والكلمه اللي جات مدري كيف جات =زلّه وشرهتها علـى مـن زلّهـا
ياللي تقول النوم أخير من الصـلاة =شوري عليك أد الفروض وصلهـا
يامل قلبٍ بيـن ود وبيـن هـات =والعين من كثـر السهـر ياملّهـا
لاجيت بنسى واعتبر مافات مـات =استرجع افكـار الحـزن واحتلهـا
وابكي على الفرقا ولكن في سكات =ماهوب شرط ان الدمـوع أهلهـا
عليك يانبضي ويـا سـر الحيـاة =ياللي غلاهـا عَزهـا مـا ذلهـا
شيخة بنات وعلّمـي كـل البنـات =سبحـة غلانـا مانويـت أفلـهـا
مالك غنى عني وانا مالي غنـات =والحاقـده منهـم تمـوت بغلهـا
ريقك عسل واساوره سكـر نبـات =وشفـاك ماتبخـل عليـه بظلهـا
انتي صفاتك غير عن كل الصفـات =اضيـع فيهـا لابغـيـت ادلـهـا
لبّى البراقع والغطـاوي والعبـات =يازين سكبتهـا ومصعـب شلهـا
عندي ثلاث اشياء في قلبي ثبـات =والله مااخليهـا لاقـالـو خلـهـا
شوفك وشوف الما وممشى فالنبات =لاخيرونـي قلـت أبيهـا كلـهـا


وسلامتكم