السلام عليكم ورحمه الله وبركاته
هذي قصيده عجوز فولدها (الضفعه) يوم كبرت امه
حذفها فالمصحه
اترككم مع البيات
وين انت يا حمدان امـكـ تناديـكـ .. وراكـ مـا تسمـع شكايـا ونــدايـا
يا مسندي قلبي على الدوم يطريـكـ .. ما غبت عن عيني وطيفكـ سمايا
هذي ثلاث سنين والعيـن تبكيـكـ .. ما شفت زولكـ زايـر يـا ضنايـا
تذكر حياتي يـوم اشيلـكـ واداريكـ. .. والاعبـكـ دايـم وتمشـي ورايـا
ترقد على صوتي وحضني يدفيـكـ .. ما غيركـ احدٍ ساكن فـي حشايـا
واليا مرضت اسهر بقربكـ واداريكـ .. ما ذوق طعم النوم صبـح ومسايـا
ياما عطيتكـ من حنانـي وبعطيـكـ .. تكبـر وتكبـر بالأمـل يـا منايـا
لكن خسارهـ بعتني اليـوم وشفيـكـ .. واخلصت للزوجهـ وانا لي شقايـا
انا ادري انها قاسيـهـ مـا تخليـكـ .. قالت عجـوزكـ مـا ابيهـا معايـا
خليتني وسط المصحهـ وانا ارجيكـ .. هذا جزا المعروف وهـذا جزايـا
يـا ليتنـي خدامـهـ بيـن اياديـكـ .. من شان اشوفكـ كل يوم برضايـا
مشكور يا ولدي وتشكر مساعيـكـ .. وادعـي لـكـ الله دايـم بالهدايـا
حمدان يا حمـدان امـكـ توصيـكـ .. اخاف من تلحق تشـوف الوصايـا
اوصيت دكتور المصحهـ بيعطيـكـ .. رسالتـي واحروفهـا مـن بكايـا
وان مت لا تبخل علـي بدعاويـكـ .. واطلب لي الغفران وهـذا رجايـا
وامطر تراب القبر بدموع عينيـكـ .. ما عـاد ينفعـكـ النـدم والنعايـا
وشو مع ذلك تقول
يـا ليتنـي خدامـهـ بيـن اياديـكـ .. من شان اشوفكـ كل يوم برضايـا
شوفو قلب الام شلون كبير,,
حسبي الله عليه يالله انك لا توفقه
قولو امين
منقووووووول
تقبلي تحياتي
فراج ال حبيش
08-01-2007, 12:23 PM
العرض الشجري