كتاب ... لـــــــ ســـــــــــ ع ــــــــــــــــد علوش

[غيام]

سعد ... والتفكير بصوت عالي
قبل فترة من نزول ديوانه المقروء والصوتي انفجر بقصائد
يثبت بها انه مستمر في ابداعه

قصيدة تحكي عن نفسها .. حروفها
بعيد عن شعر الحداثه وخصوصا الفكر لكم قصيده تحمل اصول الجزاله بمعنى الكلمه
ويضع سعد نكهته عليها ليثبت انه لا يشبه احد ...
لكم القصيده

يالله يالله يارحمن=يا عالمٍ سدي وغيبه
بيديك تدويرة الازمان=ومطلاعة الرجل .. ومغيبه
حتى اللي ما حل ولا.. حان=تعرف وشهو وتدري به
ياذروة الجاه والسلطان=والملك والعفو والهيبه
ملوك الارض ..وملوك الجان=تشفق لمدك وتشفي به
سبحان سبحانك..وسبحان=عظمك واسرار اساليبه
تذل.. امه من الطغيان=وتقدر.. المسلم الشيبه
عليك تبيحة الكتمان=لانها على غيرك معيبه
الارض جردا وانا بردان=والسبع حدد مخاليبه
وما ابشع من فراسة الجوعان=وتسحبه من عراقيبه
إلا مراضاك لـــزعلان=وحضور يشابه الغيبه
البارحه كان ياما كان=ضيفان عز ومعازيبه
شتان لكننا سيان=بالفعل والذكر والطيبه
اقلنا شان لا جاء شان=يصرف على قوم من جيبه
والان .. والان ليت الان=ماجاء ولا جاء بتعذيبه
تقول ما كن حنا اخوان=كلا عناده مقفي به
بعض الاماني طوال عنان=تجمع الامل بالخيبه
ياليت مانيب ولد فلان=اللي ربوعه تماري به
ياليتني حارث فـــ بستان=ومسلم بلا شكه وريبه
ان عاش مايعمل الا احسان=وان مات محدٍ بداريبه
يالله يامنزل القران=وفاتحته السبع المهيبه
سجلني مع الندم ندمان=واصلح لـــعبدك عذاريبه
كتاب وان كان لي عنوان=شريف وايامي صعيبه
يمرني العارض الهتان=وترد العرب من مشاريبه
واصد منه وانا عطشان=شين الجموح وقطع صيبه
المرجله في بعض الاحيان=تودي الرجل فــــــ مصيبه
ياجعلني طمعت الشفقان=لو تأكل عظامي الذيبه
لاني مجرب ولي برهان=في كل وادي اغني به
الحاجة اللي ورى الرديان=ابشع من الموت في عيبه

اعذروني على الاخطاء ان وجدت