ليت العتيبي هزع ما داج=في حي نوره واهل نوره
نقّض علي الجروح اوهاج=قلبٍ تذكر غلا نوره
هيّض اشجوني درج وابراج=بيتٍ تنحت عنه نوره
ما كن فالبيت حيٍ داج=من نسل نوره واهل نوره
انشدك يالطير يابو سراج=بالله عينت لي نوره
افرج لهمٍ من غلج واغلاج=حاله سببها هوى نوره
جاوبني البيت يا حجاج=تنشد وانا انشدك عن نوره
اتلا السهد يوم حظي ماج=يباحث العلم عن نوره
قلت انت ثابت وانا دواج=لاكن اوصيك في نوره
إن كان مرتك قل حجاج=جاني يدورج يا نوره
يقول ما للجروح اعلاج=الى سوالفج يا نوره
وانتي غنيه وانا محتاج=للوصل تكفين يا نوره
وانا على فرخة الميراج=اواصل البحث عن نوره
ليت العتيبي هزج ما داج=في حي نوره واهل نوره
للشاعر الكبير عبدالله العير
تغمده الله بواسع رحمته وغفر له ذنوبه ما تقدم منها وما تأخر بإذنه فهو ارحم الراحمين
اخوكم إلياس الدليمي - الدينمارك
العرض الشجري