واثر الهوى ماله نظامن وقانون=لو كنت حي تصير ما بيـــن الامـــوات

[سمـــوم]

السلام عليكم ورحمة الله وبركاته

اخترت لكم قصيده حلوه من احد المنتديات وان شاء الله تعجبكم وهي للشاعر فيصل التريري

تفضلوا

7
7
7

فكرت اغازل وادري الفكر مجنون=والفكر بعض الوقت تاخذه مـــيـــلات
قمت اتوضب واتسنع على هون=من شان حظي يجيب احلا الجميــــلات
وشغلت انا الموتر ابو اسود اللون=ومشيت في دربي على شوي هيهات
وصادفت لي مجدل الشعر مزيون=طاغي شبابه حاز كــل اــلبـــطـــولات
كن الجمال اللي يقولون بالكون=عنده وعــنده فـــوق هـــذا علامـــات
واثر الهوى ماله نظامن وقانون=لو كنت حي تصير ما بيـــن الامـــوات
لحظة صفطنا فز مدعوج الاعيون=وقــام يتــمــشا يم ذيـــك البــــنايـات
وقربت من عنده وانا بخافقي طعون=وحاولت اجس النبض عنده بعجلات
يعني ببدع مثل ماهم يقولون=واثري الكـــلام بأولـــه بـــــس فـــــزات
الله يجيرك شر حاسد وملسون=ويحفضك ربي من بـــلاوي كثــيــــرات
يازين كلمني ترى العقل مشطون=شليت فكري يا عظيم الحـــسيـــنــــات
والله لو املك من المال مليون=وعندي عماراتن عراض وطـويــــــلات
لسوق مهرك يابعد كل مزيون=ياغالب السيه بــــحســــن الـــحــــلاوات
وثم التفتلي وشفت حاجبه مقرون=وبدا يتكلم مير مهـــــــنا دراســـــات
قالتي( وت) وقلت ( وذ يو ) مرهون=(اي لف تو متش )وفوق ما قلت حاجات
وقالتلي (قو) وقلت لوكم تعرفون=مكانكــــم بالقلـــب باني عــــمـــارات
(مرسي بكو)وفهمتني وتدرون=حكيي عربي ماهو بهرج الخواجـــــات
وجاني النعاس وقمت بالحال مغبون=مبغا اتابع مابــقا بالحـــكـــايـــات
وهذا كلام وقصتن بتلزون=وحبيت احـــررها على شـــكـــل ابـــيـــات

وسلاااامتكم

التلزون يفسرها الشاعر فيقول :تلفزيون * بس هذي نطقت الشياب البدو ولا ني منهم


تقبلو فااائق احترامي وتقديري:
اختكـــم:
*اليــ!!ــاميه*