(( ميس لبنان )) في الخليج ؟؟؟
شلون ؟ و متى ؟ و ليش ؟ و اشحقه ؟ ؟؟؟؟؟؟؟؟؟
قبل اسبوعين سافرت لصديق لي في قطر اسمه ابو عبدالله وكان يوم جمعة , و دخلت عنده بالدوانية و قام ابو عبدالله ( بالمواجيب ) و بكل ما تحمله كرم الضيافة العربية الأصيلة ...... ....
و صارت الأحداث الآتية :
ابو عبدالله ( يقدم التمر ) و يقول : - إقدع . ثم يمد لي الفنجال و يقول :- تقهو .
أنا :- لا هنت .
ابو عبدالله :- و لا أنت .
أنا ( أمد الفنجال ) :- بس اكرم .
ابو عبدالله :- فنجال يا رجال .
أنا :- بس و أنا أخوك توني متقهوي بالطيارة و منغث من قهوتهم .
ابو عبدالله ( يمد بيالة شاي ) : - شاي .
أنا ( آخذ البياله ) :- على عرسك يا بو عبدالله .
ابو عبدالله :- يالله حيه يالله حيه الساعة المباركة اللي زرتنا في الدوحة .
أنا :- الله يبقيك ويبارك فيك انشالله .
ابو عبدالله :- تو ما تبارك المحل .
أنا : - مباركٍ بأهله .
ابو عبدالله :- أقول العشاء الليلة عندي و والله ما تقول كلمة .
أنا :- لا و الله ما امالحك استغفر استغفر يا بو عبدالله .
ابو عبدالله :- طالبك طلبه قول تم .
أنا :-يا بو عبدالله ما نبي رسميات بيننا , فكني منها , انا و الله عندي شغل و بامشي القابلة .
ابو عبدالله :- و الله ان تقول تم , و علي الطلاق ان يستوي ( على الرغم انه مو متزوج ) , ما يصير تجي الدوحة و ما توجب لنا .
المهم تعشينا و خلصنا من العشاء.
أنا :- أنعم الله عليك و جعل من جابك في الجنة .
ابو عبدالله :- فيه العافية .
المهم ... تقهوينا ان وياه و قام ابو عبدالله مسك الريموت .
توقعت يحطه على البادية !!! و الا مباراة و الا برنامج !! حتى قلت مستحيل يحطه على مسلسل .
المهم حطه على قناة رقم 19 و حاط لها رقم سري بعد و هو 1252 .... المهم شفت القناة الا المزايييييييييييييين ........ اعوذ بالله ..... توقعت قناة اجنبية .
أنا :- ابو عبدالله القناة هذي شنو ؟؟؟ اكيد اجنبية .
ابو عبدالله :- لا و انا اخوك هذي قناة الخليج الأولى .
أنا :- و شنو اسم القناة .
ابو عبدالله :- هذي قناة (( ميس لبنان )) ..
يا سلام سلم على هذا الموقف بس الحمدلله ان الجلسة كانت محفوفة بس انا وياه و نعرف علوم بعض ... و للأسف نفس الموقف صار لي بعد هذي السالفه باسبوع بدوانية واحد من الربع و من اول ما دخلت عليه الدوانيه و هو حاط على القناة و كل ما اكلمه يقولي :- هاااا ايييييييه صح صح . و هو ما يدري شأوقوله .
حتى إني اعتقدت ان قناة (( ميس لبنان )) في الخليج مو بلبنان .
19-06-2004, 01:30 AM
العرض الشجري