صبّحكم بالخير والمعذره عن الغياب غير المتعمّد ,,
قصيده لـ شاعر كلّ ماقريت قصايده تأكّدت إنّي أقرى لـ منهل من مناهل الشّعر
<< إتعب يالمقدّمه
إليكم مانقلت :
,
,
أجدب المسلـم وصلّـى الاستغاثـه=و أجدبت كبدي لوبل دمـوع عينـي
وانـت ياطـبّ المهايـم ياغـلاثـه=من غـرورك ماتخـاف الله فينـي
مدّنـي بالنـور يـاسـرّ انبعـاثـه=تاهت الاقـدام فـي ظلمـا سنينـي
بانيٍ لك قصـر فـي قلبـي واثاثـه=سنـدس الجنّـه وعـاج الرافدينـي
لو سكن به واحـدٍ غيـرك وكاثـه=مالحقنـي مـن خطـاك الاّ ونينـي
الخطـا خطـاك وحـدك واكتراثـه=من يديك اللي تهـرّب مـن يدينـي
ادري ان الحـب ماياتـي وراثــه=كـن حبّـك وارثـه مـن والدينـي
حطّها في صلب صدرك عن دماثـه=كلمـةٍ ماقلتهـا بيـنـك وبيـنـي
لاتخلّيهـا مثـل شعـر الحـداثـه=تضرب المسحوب في عرض الهجيني
واحـد امـن أثنيـن مافيهـا ثلاثـه=ياتبينـي صــحّ . ولاّ ماتبيـنـي
,
,
لـ خالد بن مركوز
21-09-2006, 03:53 AM
العرض الشجري