رد اليامي على التويجري

[الراعي الرسمي]

مساكم الله بالخير

واعذروني على غيابي هالفتره اللي فاتت ولكن ما منعني عن منتداكم الاكثر من رائع الا الشديد القوي على ما يقولون

ما اطول عليكم عندي مشاركه وهي عباره عن قصيده منتشره هلاليام بالجوالات وسمعتها ملقاه بصوت صاحبها واللي اتضح لي انه وعيلي وعنوانها رد اليامي على التويجري واللي فهمته انها رد عليه يومن قال ان اهل الجنوب مالهم صله بالشعر ولا هم بشعار او مالهم بالشعر بمعنى اصح
فاعجبتني هلالبيات وكتبتها وحبيت اطلعكم عليها

وهي منسوبه للشاعر الملقب بالسام حسب ما ذكر بالتسجيل الصوتي

يقول فيها

والله اني لو دريت انها تبنا = كان جبت بفكرتي اكبر بنايه
شاعر وطيفي يجيني ماتعنا = يسرد افكاري كما سرد الروايه
يابنات افكاري الغادر طعنا =مادرا انه فاشل بفن الرمايه
السفيه اللي على نفسه تجنا = عادة العذال في نقل الوشايه
ودي انه يدري انه من دحنا =ما كسب في حقه الا اكبر جنايه
قالها بن بلال من قبلي وغنا = يومها قال لخلف ردد ورايه
اسأل ان جيت اليمن والترك عنا = واسأل اللي عندهم شعرك حكايه
سكته فيها وهو شاعر وطنا = بعدها الغاوي عرف درب الهدايه
نفخر بتاريخنا اللي فيه كنا = قدوة(ن) لاجيالنا اللي عاد جايه
حن عمى الغاوي زبون(ن) للمجنا = والشكاله مالها فينا نهايه
نجتهد للطيب واحنا الطيب منا = آية(ن) فينا وهو في يام آيه
ألف منكم مايساوي شخص منا = وشيخكم تسواه راعية العبايه
يوم ابن حمري تهزا بك فطنا = قالها ملغومه وله فيك غايه
ياولد دربك يسار الدرب منا = لا تتيجر وانت وسط السوق تايه
فالنصيحه تبعد بزلتك عنا = قبل ماتلقى نهايات البدايه
واذكر بنا الطيب دام الطيب منا = باقي(ن) فينا الى مالانهايه

وسلامتكم

اتمنى ان هالمشاركه تعجبكم مع اني سمعت ان فيه ابيات ناقصه ولكن هذا اللي قدرت اجيبه لكم

فمان الله

اخوكم الراعي الرسمي