ياللي تبي تعرف؟!!

[الجامحه!]

ياللي تبي تعرف اسراري وعنواني
الضيق والحزن واللوعه عناويني
وان كان ودك تدورني وتلقاني
في كل لمة حزن يمكن تلاقيني
يكتبني الحزن والضيقات تقراني
والناي في شرهة احزاني تغنيني
اجامل الصبر والايام تعصاني
بالله قل لي وش اللي معجبك فيني
فقير ..يوم ان عز النفس ماغناني
لوقلت للفقر: عزالنفس مغنيني
كم واحدن ما شتمته لجل ماعطاني
وكم واحدن مامدحته لجل يعطيني
يقلقني الذنب لامنًه تغشاني
يالله من الذنب والغفله تنجيني
ماهو بدايم يصير لساني حصاني
كم غلطتً من لساني صدق تشقيني
من صغر سني وانا هالحزن يبراني
واليوم عمري تعدن الثلاثيني
صحيح ماني بمثل ابوي واخواني
رغم ان هقوات نفسي نوب تغويني
ماامد كفي لكفن ماتمناني
ولاسج رجلي بدربن مايوديني
مو كذب لكن اجامل بعض الاحياني
يومً هالكذب صاير شي روتيني
في ظروف ازرف عزيزً ماتناساني
وفي ظروف ادور مزرفني وناسيني
اما اعتذر من صديقن حيل يبغاني
اواستره عيبي اللي في كاسيني
اعرف نبض الجفاء في وجيه عدواني
واعرف نبض الغلا فالمواليني
والطعنه اللي تجي من يم صدقاني
اقسى من الطعنه اللي من عدويني
كم مرتن مات دمعي داخل اجفاني
وكم مرتن اتفه الاسباب تبكيني
كذاب لوقلت شعري يوم ماشقاني
احيان يسرق منامي من جفن عيني
اكتب قصيدي عشان عيون خلاني
ومرات اجامل عشان ارضي محبيني
هذا اعترافي وانا ماني بندماني
ممكن ابصم.. اوالتوقيع يكفيني؟??؟