السلام عليكم ورحمه الله وبركاته
اخواني سالفة
اشرب الفنجال واكب البياله
للشاعرهو راشد بن حسن بن مانع بن رحيان الضاعني العجمي لملقب
( خرالذيب )
كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي
يوقفون السواقين ويطلبونهم توصيلهم على طريقهم .. والشاعر راشد الله يرحمه كان
يخالف التعليمات وكل هذا حيا فيه ومرجله يوم من الايام أشرت له عجوز ومعها حمار
قالت وصلني يا الأجودي قدام شوي قال ابشيلك بس الحمار .لا قالت له خلاص روح الله
يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا
راشد الذيب .. اركبي وابشري بالخير .. وقيل انه توفي عام 1986م وهو في نجران
وكان شايل معه شخص موصله الى قرية في نجران وحصل عليهم حادث رحمه الله ..
وله في ذلك ابيات جميلة منها
قالها إبن الذيـب مـن هاجـوس بالـه=كلمـةٍ يلعـب بهـا والـبـال زيـنـي
قالهـا يومـه طرالـه مــا طـرالـه=مـن هواجيـسٍ تشيـب المرضعينـي
غرّنـي بعـض الرجـال بكثـر مالـه=مادرى إن الموت فـي حبـل الوتينـي
كيف ينفعنـي وبعـض النـاس خالـه=ما يدوم البيـت كـان السـاس طينـي
مـاش ويـن اللـي عوايـده الشكالـه=مثل إبـن ظافـر حمـد ليتـه يجينـي
الثنـا والجـود دايـم فــي خيـالـه=علّمـه ظـافـر سـلـوم الطيّبيـنـي
جــوّد العلـيـا ولزّمـهـا عيـالـه=وأدركـوا مـن علمتـه دنيـا ودينـي
واهنـي مـن بـاع حظّـه وإشترالـه=سار في درب النبـي وأخـزا اللعينـي
موقـفـه مـاكـل رجّــالٍ ينـالـه=ومـن بغـا ممشـاه يقعـد مرّتيـنـي
وكم ذبح من حايـلٍ مـن حـر مالـه=وعادتـه لطمـة خـشـوم العايليـنـي
حالفٍ ماخـذ علـى الطرقـي ريالـه=وبالثـلاث محـرّم إنهـا مـا تجينـي
لا لقيـت اللـي علـى السكّـه لحالـه=يلتفـت ويقـول : ويـن المستحيـنـي
أوقف الموتـر حيـا وأبغـا الجمالـه=يوم ولـد الـلاش وجهـه مـا يلينـي
والطمع فـي كـرّوة الرجلـي رذالـه=خصّ بـه وإن جـا مجـال الغانمينـي
والـردي فـي حالـةٍ ماهيـب حالـه=يـا عوينـه مـن كــلام الطيّبيـنـي
الولد وإن طاب قالـوا : مـن خوالـه=بالخـوال يسـال قـبـل الوالديـنـي
وأركبـه لعيـون مـن زيـنٍ دلالــه=مـا تحاكـوا فـي قفـاه الرامسيـنـي
ما بغـى غيـري وأنـا مابغـا بدالـه=قاعـدٍ لـي بالرجـا مــدّة سنيـنـي
مـا قعدنـا فالعمـل نبغـا الـرزالـه=ناخـذ العلـيـا طـريـق الفايزيـنـي
وأشـرب الفنجـال وأكـب البيـالـه=تابـعٍ سلـمـي سـلـوم الأوليـنـي
وسلامتكم
والله يرحم الشاعر ويسكنه جناته
أخوكم بن صليمه
01-09-2006, 11:36 PM
العرض الشجري