قصيده متميزه لشاعر متميّز ,,,,,,,
مسّيت بالخير يوم الخير مسّى بك=ياللى عليك المسى بالصبح يجمعنى
هذى حقيقه كشفها الوقت باسبابك=يامن على وصلك الاقدار تدفعنى
أبطيت فى جيتك واسرفت بغيابك=وعلقتنى بين تاصلنى وتقطعنى
اعوام متناحره واعوام تتشابك=والحظ يقطع كلامى قبل يسمعنى
لين إعترف بالخطا يوم الهوى جابك=وقبلت عذره قبل بالعذر يقنعنى
مانيب فاضى يا كود لهوسة اهدابك=دعنى فديتك احلل هوسته دعنى
طابت ليالى هدبك بريق عنّابك=قدام لا اجوع له مفروض يشبعنى
يا عين جدى عسى ما صابنى صابك=قول ايه لو كذب منك الكذب ينفعنى
راضى واحبك واشيل الحب لاحبابك=وانت اخذنى فوق قاع العشق وازرعنى
يمكن تماديت لكن راجع احسابك=وتشوف كيف انت تنزل بى وترفعنى
(أووآآه) يوم اسمع الونه ورى بابك=أحس فيها هنيّا حيل توجعنى
حاله لها وقت تذبحنى وتحيابك=وانا ولا ادرى من المقصود والمعنى
بس انت تدرى وش اللى سبب اعجابك=وتدرى وش اللى عن التلميح يمنعنى
كان السبب يوم اشوف الوصل بغيابك=يوم إن خيالك يفرقنى ويجمعنى
الشاعر : مطلق النومسى
العرض الشجري