السـلام عليكـم ورحمة الله وبركاته
آمــل انها تحــوز على رضــاكم
عفاالله عن خطا غدر الخناجر والضلوع ابطال=بسامح واتركك تحت الظلام الحالك لحالـك
دخيلك وفر دموعك ترى هدر الدموع اذلال=وترى ما فيه احد يصبر مثل صبري بغربالـك
انا عيب علي أنقض كلامي والرجال افعـال=واذا قلت اقطع احبالك تراني بقطع حبالـك
عشان اكسب هدب عينك تجرعت العذاب اشكـال=وليتك ترأف بحالي علشان ارأف بحالك
مسوي في حياتي شي ما يذكر ولا ينقال=حشا حتى العدو وهو العدو مايعمل اعمالك
تمسيني على الهم وتصبحني على الغربال=تقلطني فناجيلك وتقصر عني دلالك
تحملت التعب لجلك وانا حملي يهد جبـال=رحلت من العذاب وما وقفت الا على جالك
علامك كل ما جيك متواضع جيتني تختـال؟=معاك اليا متي بصبر وصبري معك يحلالـك؟
مثل مااقبلت لعيونك لزوم تلد لي باقبال=ومثل ماقد حشمتك حس واحشم قلبي اشوى لك
أنا محدن بجابرني أساير معك هالمنوال=ترى لاني تبيع لك ولا ني باصغر عيالك
أنا جيت اعشقك نبض ومشاعر ما اعشقك تمثال=أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب الـلال=أناجيت استفز رضاك من فرقاك والجا لك
أنا ماهمت بك عاقل أنا كنت اعشقك بخبال=أنا ما كنت احبك حي أنا كنت اعشقك هالـك
تخيل من كثر مااخاف تلقى للزعل مدخال=أخاف اخطي على طيفك وادوس برجلي ظلالـك
تبعتك والعرب تتبع رعود البارق الهمال=وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال=وصرت اقرب جسد يمشي معك باقفاك واقبالـك
أبي قلبك يحس انه فقد بمحبته رجال=ملكته من هدب عين وخسرت رضاه باهمالك
صحيح ان الفراق اقسى ولكن الوصال محال=أنا صعبن علي أرضي غرورك واضعف قبالـك
بعد ماحققت عيني فبعدك للرقاد امال=أعود للسهر؟ يا خـوي فـال الله ولا فالـك
ببدل نظرتك فيني واجي لك كل يوم بحـال=بكون اقرب من ثيابك عليك ولا تهيا لك
بالمك وانثرك واجمعك وارجع وانثرك باهمـال=بخونك وازعلك وارضيك وازعل منك وارضى لـك
أبرسم بالثرى وجهك وابدفن صورتك برمال=أبشكي للعرب فرقاك واضحك عند عذالـك
أبهديك الوصال فراق واهديك الفراق وصال=بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال=أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طـال=أبي تسمع كلامي زين وتحطه على بالك
اذا حبك هبال اطفال لك عندي هبال اطفـال=ولا وابشر بعد بهبال حـب مـا هـو بهبالـك
واذا قصدك تهين اسمي عشان تشمت العذال=ترى لا انته ولا غيرك ولا عشـرة مـن اشكالـك
.
وســـلامـــتـــكم
التـمثـال..للشـاعر/ حامد زيد
العرض الشجري