قصيده سميتها النادره للشاعر مرشد البذال

[محمد بن بريمان]

صبحكم الله الخير جميعا
واسعد الله اوقاتكم





دائما احتفض فالمجلات التي تحتوي على القصائدالجزله
وبعض الصحف الشعبيه في متكتبتي ووجدة قصيده سميتها بالنادره للشاعر الراحل
(مرشد البذال) يرحمه الله واترككم معها لتستمتعو بها



واليكم ,,,

الرجال طيور توصف بالحرار=وكل طيرٍ في جناحينه يطير
وين طير يحتري له كل جار=ووين طيريذعره صوت الصفير
وين طير لانهض شق الستار=ووين طيرمايصيد الاالشرير
لو تقول ان الشجاعه بالطيار=كان فضلنا القطا عن كل طير
النداوي له على الفعل اقتدار=والحمامه بالمحارم تستدير
وان جهلت الزين والجنس الدمار=انشد الي في معرفتهن خبير
افتهم مني كلام باختصار=فرق بين الصوف من سلك الحرير
وفرق بين الحب ونخال الشوار=اصلهن واحد لاشك الذوق غير
ربعة الطيب تزيدك بانتصار=ترفعك رفع العمد بيت نظير
والردي عرفه مثل بيت هيار=تنقبر فيها ويدفنك الحفير
حقه الطيب تجيك من الفقار=والردي يعطيك كرسوع البعير
لاترابع واحد بالعهد بار=وان وفا مره فهو خير كثير
التجارب خلها لك مستشار=لاتبي غير التجارب لك شوير
لاتجي مدخل يدينه بالخيار=مالقى صيده لقى داب ضرير
وانت في نفسك عليك الدور دار=لاتحسب انك مخلى يافقير
وقر العالم وتلقا لك وقار=وان حقرت حقرت لوانك امير
والشرف لايستوي فيه انهيار=الشرف هو مقضب السيف الشطير
والقناعه مرجله والضعف عار=واطلب النجده من الوالي القدير
لاتجي للناس طلباتك كثار=كل ديوان تجي يمه مغير
ماخبرنا في هل الشحذه تجار=غير فقره كل نفس له تعير
خل عز النفس للعوره ستار=لوفراشك في طرف بيتك حصير
وانت للعوده الى الله بانتظار=واحد ماله وكيل ولا مدير

وســــــــــــــــــــــــــلاااااااامتكم