هاجسي وان كان يمديك هات ومدنـي
القصايد له مواعيـد مـع موعودهـا
لي ثلاث شهور يالشعرشـيٍ ردنـي
والعرب قالت ترى الجود من موجودها
جيتلك من ضيقة البال واللي حدنـي
امر يقهر رغبة النفس عن مقصودها
شيلني ياطاري الشعر عنهـم ودنـي
عن سوالف مالها طعم نقصٍ زودهـا
مابنيتك يابن الاجواد لاجـل تهدنـي
ولاكسبت بسجة الرجل غير لهودهـا
الزمان يشدني شـد وانـت تشدنـي
الذخيره ثـوّره شـي مـن بارودهـا
الديون اكثر من البذل ولاحدن سدنـي
والمعرفـه ام ثكـلا قتـل مولودهـا
وانت ياللي ساكن هناك ظرفي صدني
لاتنشّدني عن اشيا حفظـت سدودهـا
الاجابـه عاقبتهـا سهـوم تضدنـي
والحقيقه تنتظر دوم صوت شهودهـا
عدني ضيفك من اليـوم والا عدنـي
واحدٍ يرقب من البعد صوت رعودهـا
المسافه تقطع القلب وطولـه كدنـي
والصحاري كلها جرد يابس عودهـا
بين حظي والمشاريه وقتـي مدنـي
اتقرب واثـر الانـذال هـذا فودهـا
النوايا تدفع القلـب ولاحـدن ردنـي
ماانتبهت الا وانا هناك خلف حدودها
السعاده شي ملموس وانـت تودنـي
والقصايد ماتربّحـت مـن مردودهـا
اشعله من شان الايـام يـوم تعدنـي
شاعرن صحى القصايد بوقت رقودها
يوم نادى هاجسه قال وينـك مدنـي
قال انا موجود والجود من موجودهـا
منقول
20-07-2006, 06:37 PM
العرض الشجري