لاسشوار.. لاتمليس.. لا فـلافــل.. بعد اليوم

[شهد]

اول مانبدا وش نقول .... باسم الله

جبت لكن اليوم كم وصفه تقدرين الاستعاضه فيها عن السشوار ...

وانشالله انها تفيدكن خصوصا البنات المقبلات على الزواج

يعني مب معقوله كل ساعه تسشور شعرها ...

مايجي عليها شهر الا وهي قرعه .. ماتحس الا رجلها قالعها فبيت اهلها

انا داريه ان مجرد اسم السشوار يجيب الاكتئاب وتساقط الشعر

لذا ... احضرن اقلامكن واوراقكن واكتبن

وحتى الشباب ممكن انهم يستفيدون من هالوصفات ...






الطريقه رقم 1

خذي تفاحه على حسب الكميه التي تحتاجينها وقشريها واسلقيها

في قليل من الماء الى ان تنضج ثم اهرسيها

واحفظيها في علبه وضعيها في الثلاجه

جففي قشور الموز في الشمس ثم اطحنيها الى ان تصبح مثل البودره

واحفظيها

الى ان يحين وقت الاستعمال خذي كميه مناسبه لشعرج من التفاح

واخلطيها مع ملعقه كبيره من الموز المجفف

وقسمي شعرج وضعيها لمده ساعه او اكثر واغسلي الشعر عادي

مثل اول ولاحظي الفرق




الطريقه رقم 2

تحضرين زيت نارجيل يكون اصلي.اصلي مب تقليد ديرن بالكن من

هالهنود اللي يبيعون بالعطار.....

وعند العطار يوجد عشبه اسمها سابله + ماسكه + ساق الحمام

تاخذين من كل شغله من هالاشيا ملعقتين مطحونين وتسخنينهن على النار الين يغلي غليه وحده

وبعدين تتركينه الين يبرد واذا برد ادهني فيه شعرج واتركيه فيه لمده ساعتين

طبعا مع الاستمرار على هالوصفه بتلاحظين ان السشوار ماعاد لوه لزمه

وان شعرج صار ناعم وسلسبيل خلقه ... وزينب العسكري ماتاكل معج عيش





الطريقه رقم 3

( هالخلطة قبل الاستحمام لا تنسون)

تجيبين سحله (غضارة = طاسه = زبديه = صحن وخلصنا) و تخلطين فيه مايونيز يكفي لطول شعرج

مع كمية من البلسم اللي تستخدمينو لشعرج في العادة

( ملاحظة يكون المايونيز اكثر من البلسم يعني مقدارين

من المايونيز يقابله مقدار من البلسم ) ... اوووووووكيه

بعد ما تخلطين المقادير ترطبين شعرج بالماي

و بعدين تحطين الخلطة على شعرج كلو وخاصة الأطراف بعدين تغطينو بقبعة الحمام

(يبيعونها ببو ميه ثلاث قبعات بقرطاس واحد لاينصبون عليكن )

و تنتظرين ساااااااااااعة كاملة... اليا خلصت الساعة تغسلين شعرج بالمااء فقط .....

واصبري عليه ساعتين واغسليه بالصابون



والله مع كل هالوصفات بتلاحظن الفرق ...

وتري حلاة البنت شعرها ..

وعلى قولة الطقاقه ... نسيت اسمها

فلي الشعر الحرير وخلي القذله تطير ....

اتمنى منكن الاستفاده من ذا الوصفات مو بس القراءة