بعد فتره مـن غيابـك.. ليـه بالله اتصلتـي ؟؟=
من ثلاث شهور شاللي رجّعك يعنـي وصـار
ما انتي عشتي كل هالفتـره ولا حتـى سألتـي=
وش حصل هالحين قولي ..علميني باختصـار
ليه دام انك رجعتي اليوم ليه اصـلاً رحلتـي؟=
يعني الدعـوه بكيفـك .. او مزاجيـة صغـار
إلا يمكن صار لـك حاجـه بعقلـك وانهبلتـي=
وانقلب وضع العلاقه مـن علـوّه.. لإنحـدار
ولاّ ما صدقتي اني اعشقـك .. حتـى ثقلتـي=
أو كلام الليل فعـلاً .. معـك يمحيـه النهـار
يوم قررتي .. بليّا سابـق انـذار .. اعتزلتـي=
جاحدتني.. كن مالي دور فـي صنـع القـرار
وادري انك لا صملتي في قراراتك .. صملتي=
ما تردك دمعتين .. وكسر خاطـر.. واعتـذار
إحتملت اللي لو انك في مكانـي مـا احتملتـي=
ووالله لولا اني عرفتك .. ما عرفـت الإنهيـار
إنكسار وضيق صدر ومشكلـه لامـن زعلتـي=
وإن رضيتي فالمصيبه .. ضيق صدر وإنكسار
ضعت مدري ويش اسوّي فيك لكنـك وصلتـي=
مرحله خلتني انسى .. كبريائـي .. والوقـار
صدقيني لو فعلتي في حياتـي .. مـا فعلتـي=
ما بيدّي غير احبك .. واعشقك اكثر.. واغـار
يكذب اللي قال عندي مـا طلعتـي ولانزلتـي=
واعتبارك في عيوني مـا يجاريـه .. اعتبـار
إنتي اصلاً من وطيتي في مساحاتـي وحللتـي=
صرت احس أني مساحه من بياض ومن خضار
مثل الاسطوره واظنك من خلال اسمي دخلتـي=
صفحة التاريخ لكن كنتـي .. اسطـورة دمـار
مجرمة حب وقتلتيني .. لـو انـك مـا قتلتـي=
يكفي اني قمت احس برغبتـي فـي الإنتحـار
كلما أذكر كلامك لي على الجـوال .. قلتـي:=
كل واحد في طريقه .. لي مسار.. ولك مسار
اذكر اني كنت ساكت وقتهـا .. حتـى قفلتـي=
واختنقت .. وما دريت الا وانا أفـك الـزرار
والقط انفاسي وانا اسأل: ليه ياروحـي فشلتـي=
كانت اول تجربه.. معقول اسـأت الإختيـار؟؟
إفترقنا .. واعتقد من بعد فرقـاي .. انشغلتـي=
وافتكرتيني .. بعد ما جـار وقتـك واستـدار
إتصلتي .. تسأليني: كيف حالـك؟.. وانتشلتـي=
جثتي من قبل اموت من القهـر .. والإنتظـار
إيه أنا في خير لكن ودي اعرف .. ويش نلتي؟=
من سواتك.. لا ضربتي بعشرتي عرض الجدار
إنفصلتي .. واستقريتـي لحالـك .. وانتقلتـي=
طالعه وبرغبتك من دار .. واصبحتـي بـدار
بس انا في نار عشت وتهت من يومك رحلتـي=
حتى في لحظة كتابة هالقصيده .. عشـت نـار
عندما غبتـي ثـلاث شهـور ماحتـى سألتـي=
قلت: اجل آن الآوان.. ويفترض سدل الستـار
وقبل لا اغمض عيوني .. وبثواني .. إتصلتـي=
لجل تنعاد الحكايه.. و كن مابه شـيء صـار
للشاعر / محمد الشهري
العرض الشجري