تخوفنـي مشاويـر الطريـق المظـلـم المهـجـور =واليامـنـي ذكـرتــك قـلــت طـولــي يامـشـاويـري
عزاي انك رجاي العذب لو كل الدروب عثور =وصلت اوماوصلت اعرفك ما انته منتظر غيري
حبيبـي ..وكـل الله لاتحسـب إنـي بليـد شعـور =لو انت المستحيل الصعب .. ماابدي لك معاذيري
احبـك ..رغـم تجريـح الليـال لقلـبـي المقـهـور =اشوف الجرح يكبـر وانـت تكبـر وسـط تفكيـري
احبك .. لو يموت الحب وتصير القلوب قبـور =احـبـك كلـمـة لـــو حـرمـوهـا .. حـــل تفـكـيـري
احبك من هنا حتـى طلـوع الفجـر ..حـد النـور =صحيـح انـك قـدر محتـوم بـس اجـمـل مقـاديـري
بعذر اللي يحبك لـو يصيـر الشاعـر المشهـور =لأنــك تنـهـمـر حـلــو القـصـيـده فـــي تعـابـيـري
احد ربي يحطك له حبيب ..ومايجيه غـرور ؟ =وانــا مهـمـا بغـيـت استـوعـبـك يـاقــل تـقـديـري
هلا بك من قدمك ... لغرتك لي شعرك المنثور =هـلا فـي كـل شـيٍ فيـك وانـت اغـلـي مسايـيـري
أثر صدق الغلا يجبر حطام الخاطـر المكسـور =وانـا مهمـا منحتـك مـن غـلاي اشعـر بتقصـيـري
ولو طالت مشاويـر الطريـق المظلـم المهجـور =انــا لامـــن ذكـرتــك قلـت..احـبـك يامـشـاويـري
شعر/ مساعد الرشيدي
لكم ووووودي
09-05-2006, 10:54 PM
العرض الشجري